محرم الحرام عزت وتحریم والا مہینہ تمام مکتبہ فکر سے وابستہ مسلمان محرم الحرام کے ایام میں امن ،رواداری کا خصوصی اہتمام کریں۔ ماں فاؤنڈیشن پاکستان کی مرکزی ایگزیکٹو باڈی کا اہم اجلاس منعقد ہوا اجلاس میں مرکزی چئیرمین محمد امجد رانا صراف ،صدر سیٹھ افتخار احمد ،وائس چیئر مین وحید انجم ،نائب صدر قاری محمد سرور گوندل ،محمد اشرف کھوکھر ،باؤمرزا محمد اسلم ،نور محمد ڈنگا،فاؤنڈرماں فاؤنڈیشن ملک عبدالجبار اور سینئر صحافی بابر علی نے خصوصی شرکت کی اجلاس سے خطاب کرتے ہوئے رانا محمد امجد صراف نے کہا ماں فاؤنڈیشن پاکستان محرم الحرام کے دوران خصوصی پروگرام کا اہتمام کرے گی اس پروگرام کے ذریعہ ہم عوام الناس میں امن اورہم آہنگی ،مذہبی رواداری کا پیغام دینا چاہتے ہیں انہوں نے پاکستان بھر میں بسنے والے تمام مکتبہ فکر سے وابستہ حلقوں سے اپیل کی کہ وہ محرم الحرام کے دوران امن کے قیام کیلئے خاطر خواہ انتظامات کریں اور دنیا کو یہ پیغام دیں کہ پاکستان پر امن دھرتی ہے اس میں بسنے والے دہشت گردی اور انتہا پسنددی سے نفرت کرتے ہیں اور امن کے خواہشمند ہیں ۔
