فاروق آباد(ایف یو نیوز)تفصیل کے مطابق پاکستان مسلم لیگ ن یوتھ ونگ پنجا ب کی جوائنٹ سیکر ٹری محترمہ رضوانہ سندھو اور لاہور ڈویژن کی نائب صدر شمع بٹ نے میڈیا سے گفتگو کرتے ہوئے کہا کہ بلدیاتی الیکشن کے نتائج نے عام انتخابات 2013کی شفافیت کی توثیق کر دی ہے ۔ترقیاتی کاموں اور عوام دوست پالیسیو کی وجہ سے پاکستان مسلم لیگ ن کوملک بھر سے بلدیاتی انتخابات میں کامیابی ملی ہے مسلم لیگ ن کی حکومت عوام کی فلاح و بہبود کیلئے اقدامات کر رہی ہے جس سے ملک بھر کے عوام کا معیار زندگی بہتر ہو گا۔بلدیاتی انتخابات کے آخری مرحلہ میں بھی خدمت،دیانت ،محنت اور شفافیت کی سیاست کی جیت ہو ئی ہے عوام نے ترقی کے مخالفین کو مسترد کر دیا ہے اور عام انتخابات 2013میں نام نہاد دھاندلی کا شور مچانے والوں کو بلدیاتی انتخابات میں عوام نے ان کی حیثیت بتا دی ہے۔انہوں نے کہا کے غریبوں کی حالت زار کے منصوبوں میں روڑے اٹکانے والوں کو عوام نے بلدیاتی الیکشن کے تینوں مرحلوں میں رد کر کے آئینہ دکھا دیا ہے اور با شعور عوام نے ووٹ کی طاقت سے ثابت کیا ہے کہ وہ الزام تراشی جھوٹ ، منافقت اور ہٹ دھرمی کی سیاست سے نفرت کرتے ہیں کسان پیکج کسانوں کی خوشحالی کیلئے ہے کسان کی خوشحالی پاکستان کی ترقی ہے وزیر اعظم میاں محمد نواز شریف کے کسان پیکج کے تحت پنجاب کے ساڑھے 12لاکھ کاشتکاروں میں 40ارب کی امدادی رقم تقسیم کی جارہی ہے کسان پیکج کے تحت کاشتکاروں کی حالت بہتر ہونے کے ساتھ ساتھ ملکی زراعت کو فروغ حاصل ہو گا کسان خوشحال ہو گا تو ملک خوشحال ہو گا۔
