فاروق آباد (ایف یو نیوز) ڈی ایچ کیو النور کمپلیکس ہسپتال کینال کالونی ویران ہونے لگا ۔ ہسپتال پر کڑوروں روپے خرچ کر نے کا کیا فائدہ غریب بیماروں کو دوائی نہیں ملتی، ہسپتال میں ڈاکٹر ز ،لیڈی ڈاکٹر ، ڈینٹل ڈاکٹر /سرجن اواسٹاف کی بہت کمی ہے روزانہ تین ،چار سو کے قریب بیمارلو گ دوائی لینے آتے ہیں لیکن خالی ہاتھ مایوس لوٹ جاتے ہیں ،ہسپتال میں بیٹھے ڈسپینسر اور دیگر ملازم مریضوں کو باہر کی دوائی کی پرچی تھما دیتے ہیں کچھ مریض تو سٹوروں پر سے دوائی خرید لیتے ہیں اور بہت سارے غریب ،یتیم ،لاچار،مستحق مریض بغیر دوائی کے اپنی زندگی کے دن بیماری کی حالت میں گزارنے پر مجبور ہیں نائٹ ڈیوٹی ڈاکٹر اکثراوقات ہسپتال سے غیر حاضر ہوتا ہے اور اگرآ جائے تو دو گھنٹے کے بعد فو راً چلا جاتا ہے ایمر جنسی صورت حال میں مریض کہا جائیں اور کس سے فریاد کریں اہلیان علاقہ مذکورہ ہسپتال کے آپریشنل ہو نے پر بہت خوش تھے اب اتنے ہی پریشان ہیں ۔پاکستان محمدی پارٹی کے سربراہ مہربان سائیں عبدالغفور میاں نے وزیر اعلیٰ پنجاب میاں محمد شہباز شریف سے مطالبہ کیا ہے کہ ڈی ایچ کیو ہسپتال النور کمپلیکس کینال کالونی فاروق آباد میں دوائی ، ڈاکٹر ، اسٹاف اور مشینری فراہم کی جائے اور لاکھوں روپے کی خطیر رقم سے چلنے والے اس ہسپتال میں غریب مریضوں کیلئے تمام ادویات فراہم کی جائیں اور سٹاف کی کمی اور ڈاکٹرز تعیناتی کی جائے ہسپتال کی مانیٹرنگ کی جائے ۔
