فاروق آباد (ایف یو نیوز)نام نہاد اور مفاد پرست سیاستدانوں کو حلقے کی سیاست سے آؤٹ کر دیا جائے گا ۔پاکستان مسلم لیگ (ن ) کے نامزد امیدوار برائے کونسلر وارڈ نمبر9مرزا شہزاد یعقوب نے کہا کہ عوام کی طاقت سے جیت کر سرخروہوں گا علاقہ میں ترقیاتی کاموں کا جال بچھا دیں گے الیکشن جیتنے کے بعد بھی عوام کے کندھے سے کندھا ملا کر چلیں گے اور انہوں نے اپنے حریف امیدواروں کو پیغام دیا کہ ہوش کے ناخن لیں اور عوام کو گمراہ کرنا چھوڑ دیں ،پاکستان سے اندھیروں کو ختم کرنے ،دہشت گردوں کے خلاف منظم آپریشن کرنے اور اقتصادی ترقی کی راہ پر گامزن قیادت پر پورے پاکستان کی عوام کا مکمل اعتماد ہے سابقہ حکومتوں نے پاکستان کو اندھیروں کی جانب دھکیلا تھا جب کہ آج پاکستان کی خوشحالی کیلئے دن رات کام کیا جا رہا ہے کچھ عناصر کو مسلم لیگ ن کی مقبولیت پسند نہیں آرہی جبکہ کراچی کے عوام جتنی پر سکون زندگی آج جی رہے ہیں وہ صرف اور صر ف وفاقی حکومت کی محنت ہے پاکستان کے ہر کونے میں امن کا ماحول بنانے اور معاشی ترقی کیلئے میاں محمد نواز شریف اور ان کی ٹیم پورے جی جان سے کام کر رہے ہیں۔میں اپنی عوام کے ہمراہ مضبوط پاکستان کیلئے اپنے قائدین کے ساتھ ہوں۔ پنجاب میں غفلت برتنے والے اور نااہل سرکاری ملازمین کو ہٹا کر ایماندار ،محنتی اور میرٹ پر پورے اترنے والے ڈی سی او اور ڈی پی او آفسران کی تعیناتی بھی موجودہ حکومت کی ایک بہترین کاوش ہے۔
