فاروق آباد (ایف یو نیوز)جھوٹے نعروں سے عوام کو بہکا یا نہیں جا سکتا۔حکومت نے بلدیاتی الیکشن جیتنے کیلئے حکومتی اُمیدواروں کیلئے سرکاری خزانہ کے منہ کھول دیئے ہیں او ر حکمران جماعت کے وزراء اور ارکان اسمبلی نے یونین کونسلوں میں ڈیرے ڈال لئے ہیں لیکن تحریک انصاف کے نہتے اُمیدوار ہی حکومتی اُمیدواروں کا مقابلہ کریں گے ان خیالات کا اظہار تحریک انصاف ضلع شیخوپورہ کے ضلع رہنماء سید احمد خان لودھی اور موسیٰ خان لودھی نے صفدرآباد کی یونین کونسلوں یو سی95منڈیالہ ،یو سی96نواں پنڈ،یو سی94 جھنڈیاں والی اور یو سی92بھالیکے میں مختلف کارنر میٹنگوں میں خطاب کرتے ہوئے انہوں نے مزید کہا کہ 19نومبر کو تحریک انصاف کی فتح کا سور ج طلوع ہو گا ناکام لیگ نے ملک کو مسائلستا ن بنا دیا ہے تحریک انصاف بلدیاتی انتخابات میں بھرپور کامیابی حاصل کر کے عوام کے تمام بنیادی مسائل حل کرے گی اور کسانوں کیلئے ایسی پالیسی پر عمل درآمد کروائے گی جس سے کسان معاشی طور پر مضبوط ہو گا ان موقعوں پر یونین کونسل یو سی95منڈیالہ سے اُمیدوار برائے چیئر مین چوہدری سلیم وڑائچ ،وائس چیئر مین محمد فیاض چیمہ ،یو سی96نواں پنڈ چیئر مین رانا انعام خان وائس چیئر مین ابو بکر بھٹی ، یو سی92بھالیکے چیئر مین حاجی محمد بوٹاوائس چیئرمین حاجی محمد امتیاز،یو سی94جھنڈیاں والی چیئر مین شیر محمد واہگہ وائس چیئرمین بلا ل احمد گجر نے بھی خطاب کیا۔
