ملک بھر کی طرح فاروق آباد میں بھی عشرہ محرم والحرام مذہبی عقیدت واحترام سے منایا گیا

فاروق آباد (ایف یو نیوز) ملک بھر کی طرح فاروق آباد میں بھی عشرہ محرم والحرام مذہبی عقیدت واحترام سے منایا گیا ،علم تعزیہ و شبیہ ذوالجناح کے جلوس اور مجالس عزا کا انعقائد عزاداران حسینؓ نے کی نوحہ خوانی ،سینہ کوبی اور زنجیر زنی کرتے ہوئے شہداء کربلاکو خراج عقیدت پیش کیا تفصیلات کے مطابق فاروق آباد شہر کے مختلف امام بار گاہوں مرکزی امام بارگاہ حسینیہ ،امام بارگاہ قیصر بنی ہاشم اور امام بارگاہ حیدریہ میں عشرہ محرم و الحرام مذہبی عقیدت و احترام سے منایا گیاجس میں مختلف علماء اکرام و ذاکرین عظام نے واقعہ کربلاپر روشنی ڈالی عاشورہ کا مرکزی ماتمی جلوس شبیہ ذوالجناح علم و تعزیہ مر کزی امام بارگاہ حسینہ محلہ امام کوٹ سے صبح 11بجے برآمد ہوا جس دمیں ہزاروں عزاداران مظلوم کربالا نے شرکت کرتے ہوئے نوحہ خوانی زنجیر زنی اور سینہ کوبی کی جلوس اپروچ روڈ سے گذرتا ہوا ریلوے چوک آکر ٹھرا جہاں پر نماز ظہرین ادا کرنے کے بعد مجلس عزا منعقد کی جس سے علماء کرام و ذاکرین نے خطاب کرتے ہوئے نواسہ رسول ﷺ حضرت امام حسینؓ اور شہدا ئے کربلا کی عظیم قربانیوں پر روشنی ڈالتے ہوئے فلسفہ شہادت بیان کیا بعد میں جلو س ریلوے روڈ سے جامع مسجد اوقاف والی کے سامنے سے ہوتا ہوا چوک ڈبے شاہ میں آکر ٹھہرا جہاں مجلس عزا اور لنگر حسینی کیامرکزی ماتمی جلوس فاروق آباد شہر کے مختلف گلی محلوں سے گذرتا ہوا چوک ڈبے شاہ سے سیدھا شام سات بجے قریب کربلا پیر نعرے شاہ پہنچ کر پر امن طور پر اختتام پذیر ہو گیا جلوس کی سیکورٹی کیلئے مرکزی انجمن حسینہ کی طرف سے ایک سیکورٹی کنٹرول قائم کیا گیا تھا اور انجمن کے چاکو چوبند رضا کاروں نے پولیس کے ہمراہ سیکورٹی کے فرائض انجام دیئے جبکہ آر پی او رینج شیخوپورہ شہزادہ سلطان نے جلوس کی مانیٹرنگ کرتے رہے کسی بھی ناخوشگوار واقعہ سے نمٹنے کیلئے خفیہ اداروں کے اہلکار بھی موجود تھے اور کسی قسم کا کوئی ناخوشگوار واقعہ پیش نہیں آیا ۔