اہلِ محلہ کی شکایت پر، نشے میں دھت تتلی کے ہمراہ رنگ رلیاں مناتے گرفتار ہونے والے 5اہلکار پیٹی بھائی ہونے کے ناطے باعزت رہا
پاکپتن(ایف یو نیوز)یوم آزادی ڈے کے موقع پر پولیس اہلکاروں نے محلہ ظفر آباد کے ایک مکان میں شراب کے نشہ میں رنگ رلیاں مناتے ہوئے غل غپاڑہ کر دیا اہل علاقہ نے پولیس سٹی کو اطلاع کر دی پولیس سٹی نے پانچ ملزمان کو تتلی کے ہمراہ گرفتار کر کے پیٹی بھائی ثابت ہو نے پر باعزت رہا کر دیا پیٹی بھائیوں کو چھوڑنے پر اہل محلہ کا پولیس کے خلاف شدید احتجاج آر پی او ساہیوال ڈی پی او پاکپتن سے نوٹس لینے کا مطالبہ تفصیلات کے مطابق محلہ ظفر آباد میں پولیس کے جوانوں علی احمد، شوکت وغیرہ پانچ ملزمان نے یوم پاکستان کے موقع پر ملک و قوم کو خراج تحسین پیش کرنے کے لئے شراب کے نشہ میں دھت ہو کر خوبرو حسینہ کے ساتھ رنگ رلیاں مناتے ہوئے خوب غل غپاڑہ کیا اہل محلہ نے پولیس سٹی کو اطلاع کر دی جس پر حوالدار رانا منظور ہمراہ پولیس اہلکار انہیں گرفتار کر کے تھانہ سٹی لے آئے اور ایس ایچ او کے سامنے پیش کر دیاجہاں پر ملزمان پیٹی بند بھائی ظاہر ہونے پر پولیس سٹی نے انہیں باعزت طریقے سے چھوڑ دیا اہل محلہ میں گرفتار ملزمان دوبارہ نظر آنے پر شہریوں نے شدید احتجاج کرتے ہوئے آر پی او ساہیوال ڈی پی او پاکپتن سے نوٹس لینے کا مطالبہ کیا ہے۔۔۔
Leave a Reply