پاکپتن (طاہر فرید سے)درخت لگانا سنت نبوی ﷺاور صدقہ جاریہ ہے ، درخت جاندار کی بقاء کیلئے انتہائی ضروری ہیں ، درخت پائیدار ترقی و استحکام کی بنیاد ہیں ، درخت مختلف کثافتوں سے پاک شفاف ماحول مہیا کرنے میں مرکزی کردار ادا کرتے ہیں ، کلین اینڈ گرین مہم کا آغاز ترقی پاکستان کے سفرکا آغاز ہے ،کلین اینڈ گرین مہم کے ثمرات سے ملک وقوم مستفید ہونے کے ساتھ ساتھ ملکی معشیت بھی ترقی کرے گی ، درخت قدرتی آفات اور دیگر ہولناک تباہیوں سے محفوظ رکھنے کی کلید ہیں ، وزیر اعظم پاکستان عمران خان اور وزیر اعلی پنجاب سردار عثمان بز دار کا ویثرن ملک کو سر سبز و شاداب بنانا ہے، ملک کو سر سبز و شاداب بنانے کیلئے ہم سب کو مل جل کر کثیر تعداد میں پود ے لگانے ہوں گے تاکہ ہریالی کی منزل حا صل ہو اور صاف شفاف ماحول دستیاب ہو، صحت مند معاشرے کے قیام کیلئے درختوں کی حقیقت مسلمہ اور صفائی ستھرائی کی خا ص اہمیت ہے، صحت مند ماحول کے قیام کیلئے شجر کاری مہم کے تحت زیادہ سے زیادہ پودے لگائیں اور صفائی ستھرائی کے سلسلہ میں کوڑا کرکٹ کو مناسب اور محفوظ جگہ پر تلف کریں ، ان خیالات کا اظہار کمشنر ساہیوال ڈوثیرن عارف انور بلوچ نے کلین اینڈ گرین کے تحت ہفتہ صفائی مہم و عالمی دن جنگلات کے سلسلہ میں گورنمنٹ گرلز ہائی سکول کالونی ایریا پاکپتن میں پودے لگانے کی تقریب سے خطاب کرتے ہوئے کیا ، تقریب میں ڈپٹی کمشنر احمد کمال مان ، ڈوثیرنل فاریسٹ آفسیر ملک وسیم سجاد ، ایڈیشنل ڈپٹی کمشنر ریونیو ڈاکٹر احمد افنان ، اسسٹنٹ کمشنر کو ارڈ ارشد وٹو ، اسسٹنٹ کمشنر علی عاطف ، ڈی او سیکنڈری افشاں نسیم ، ڈی ا وانفارمیشن سید سلمان حسین ، ڈی او ایلمنٹری رائے نذر محمد ، ایجو کیشن افسران ، رینج فاریسٹ آفسیر محمد یونس ،تعلیمی اداروں کے ہیڈ معلم / معلمات ، اساتذہ کرام اور طالبات بھی موجود تھیں ، ڈپٹی کمشنر احمد کمال مان نے کہا کہ ارض پاک کی سر زمین پر4 فیصد جنگلات کی کاشت ہو نا لمحہ فکریہ ہے ، ملکی ترقی و استحکام کیلئے25 فیصد رقبے پر جنگلات کا ہونا اشد ضروری ہے ، حکومتی ہدایات کے مطابق کلین اینڈ گرین مہم کے تحت کثیر تعداد میں پو دے لگائے جا رہے ہیں اور ابتک دیے گئے اہداف کے مطابق ضلع پاکپتن میں 2 لاکھ پو دے لگائے جا چکے ہیں اور آج ایجو کیشن ڈیپارٹمنٹ میں مزید5ہزار پودے لگائے جائیں گے جبکہ ضلع پاکپتن میں تمام اداروں کے تعاون سیمجموعی طور پر60 ہزار پودے لگا نے کے ہدف کو حا صل کیا جائے گا ، انہوں نے کہا کہ کلین اینڈ گرین مہم کے تحت مربوط حکمت عملی کے ساتھ ہفتہ صفائی کے سلسلہ میں یونین کونسل لیو ل تک صفائی ستھرائی کاعمل جاری ہے اور صفائی ستھرائی کے نظام کو مزید بہتر کرنے میں مدد ملے گی ،گورنمنٹ گرلز ہائی سکول کالونی ایریا کی طالبات نے تقریب میں ملی نغمے پیش کیے ، کمشنر ساہیوال ڈوثیرن عارف انور بلوچ نے طالبات کی پر فارمنس کو سراہا ، انہوں طالبات پر زور دیتے ہوئے کہا کہ طلباء سے زیادہ طالبات کا ہم رول ہے کیونکہ وہ گھریلو نگہبان بھی ہیں ، طالبات اپنے اپنے گھروں میں بزرگوں اور والدین کی مناسبت کے نام سے پودے لگائیں اور ان کی آبیاری کریں علاوہ ازیں کمشنر ساہیوال ڈوثیرن عارف انور بلوچ اور طالبات نے ایک ہی وقت میں گورنمنٹ گرلز ہائی سکول کالونی یریا میں 3 سو سے زائد پودے لگائے ، بعد اذاں ڈپٹی کمشنر احمد کمال مان ، ایڈیشنل ڈپٹی کمشنرریونیو ڈاکٹر احمد افنان ، ڈوثیرنل فاریسٹ آفسیر ملک وسیم سجاد نے بھی پودے لگائے ، کمشنر ساہیوال ڈوثیرن عارف انور بلوچ نے کہا کہ حضرت بابا فرید الدین مسعود گنج شکرکی وجہ سے ضلع پاکپتن کو اہم مقام حا صل ہے ، حضور بابا فرید الدین مسعود گنج شکر کے مزار سے فیو ض برکات کا سلسلہ جاری و ساری ہے ،ضلع پاکپتن کی ترقی اورعوام کے مسائل کے حل کیلئے خصوصی نوعیت کے اقدامات کیے جا ئیں گے ،کمشنر ساہیوال ڈوثیرن عارف انور بلوچ نے طالبات کی قومی جذبے سے سرشار ملی نغمے پیش کرنے اور کلین اینڈ گرین مہم کے تحت پودے لگانے کے عمل کو سراہا ، علاوہ ازیں کمشنر ساہیوال ڈوثیرن عارف انور بلوچ نے اساتذہ کرام اور طالبات کے مطالبے پر گورنمنٹ ہائی سکول کالونی ایریا میں ہال بنانے کیلئے ڈپٹی کمشنر احمد کمال مان کو تخمینہ سمیت سکیم بنانے کی ہد ایات جاری کیں تاکہ جلد از جلد ہال کی تعمیر کی جا سکے اور اساتذہ و طلبا تعلیمی امور کو بہتر طریقے سے انجام دے سکیں، دریں اثناء کلین اینڈ گرین مہم کے تحت کمشنر ساہیوال ڈوثیرن عارف انور بلوچ نے گورنمنٹ بوائز ہائی سکول چکبیدی میں بھی پودے لگائے۔
