پاکپتن ( طاہر فرید سے)افسران کی حوصلہ افزائی انجمن تاجران کا احسن اقدام ہے،اعلی کارکردگی کا مظاہرہ کرنیوالے افسران کی حوصلہ افزائی کرکے ان کی کارکردگی کو مزید بہتر بنایا جاسکتا ہے، جرائم پیشہ افراد کے کیخلاف بلاامتیاز کاروائیاں کرکے ان کے دلوں میں قانون کا خوف پیدا کرنے والے پولیس افسران خراج تحسین کے مستحق ہیں۔ ان خیالات کا اظہار آر پی او ساہیوال شارق کمال صدیقی نے مرکزی انجمن تاجران کے زیر اہتمام تقریب تقسیم انعامات برائے حسن کارکردگی سے خطاب کرتے ہوئے کیا تقریب میں مرکزی انجمن تاجران کی جانب سے آر پی او ساہیوال شارق کمال صدیقی، ڈی پی او ماریہ محمود، اے ڈی آئی ساہیوال رانا افتخار، ایس پی انویسٹی گیشن سلیم وڑائچ، رانا اجمل سعید، ایس ایچ او، عاشق عابد مہار، ایس ایچ او جہانذیب وٹو، ایس ایچ او چوہدری وقاص، مرکزی انجمن تاجران کے صدر چوہدری اظہر محمود، چیئرمین پریس کلب پیر امداد حسین، صدر وقار فرید جگنو ودیگر کو اعزازی شیلڈ سے نوازا۔آر پی او ساہیوال شارق کمال صدیقی نے کہا کہ پولیس جرائم کے خاتمہ کیلئے کوشاں ہے اس طرح کے پروگرام کے انعقاد سے پولیس افسران و ملازمین کا حوصلہ مزید بلند ہوتا ہے اور مزید بہتر کارکردگی دکھانے کی کوشش کرتے ہیں۔ چوہدری اظہر محمود نے کہا کہ جرائم کی کے خاتمہ اور جرائم پیشہ افراد کی سرکوبی کیلئے ڈسٹرکٹ پولیس کی کارکردگی انتہائی قابل تحسین ہے، اصلاحات کیلئے تنقید کے ساتھ ساتھ حوصلہ افزائی بھی بے حد ضروری ہے جس کیلئے انجمن تاجران ہر سال پروگرام کا انعقاد کرتی ہے۔ انہوں نے کہا کہ مرکزی انجمن تاجران کی جانب سے اچھی کارکردگی پر حوصلہ افزائی کا سلسلہ آئندہ بھی جاری رہے گا۔

QR Code: