پاکپتن (بیورورپورٹ) ڈپٹی کمشنر احمد کمال مان نے دربار حضرت بابا فرید الدین مسعود گنج شکر کا دورہ کیا ، اس موقع پر ایڈ منسٹریٹر اوقاف رانا طارق علی، ،ایڈیشنل ڈپٹی کمشنر جنرل بابر سیلمان ، اے سی پاکپتن عمران بشیر ، ڈی آئی او سید سلمان حسین ، ڈسٹرکٹ مینجر اوقاف زیشان نسیم سمیت دیگر متعلقہ اداروں کے افسران بھی موجود تھے ، ڈپٹی کمشنر احمد کمال امان نے درگاہ حضرت بابا فرید پر حاضری دی ، پھولوں کی چادر چڑھائی اور ملک وقوم کی ترقی وسلامتی کیلئے دعا کی ، علاوہ ازیں ڈپٹی کمشنر احمد کمال مان نے درگاہ حضرت بابا فرید الدین مسعود گنج شکر پر سیکورٹی سے متعلق کیے جانے والے اقدامات کا جائزہ لیا ، انہوں نے سی سی ٹی وی کیمروں سے متعلق صورتحال کا جائزہ لینے کنٹرول روم کا وزٹ کیا اور کیمروں کے زریعے سیکورٹی کے میکانزم سے متعلق دریافت کیا۔
