پاکپتن: پہلی جماعت کے طالب علم کو زیادتی کے بعد قتل کرنیوالا ملزم ٹریس،گرفتار کرکے مقدمہ درج۔ بتایا گیا ہے کہ ڈسٹرکٹ پولیس آفیسر ماریہ محمود نے پریس کانفرنس سے خطاب کے دوران کہا ہے کہ پہلی جماعت کے طالبعلم کو زیادتی کے بعد قتل کے ملزم کو ٹریس کر کے گرفتار کر لیا ہے ،ملزم سکول کا پرائیوٹ چوکیدار تھا۔ انہوں نے کہا کہ پاکپتن کے نواحی گاوں کلیانہ میں پہلی جماعت کے بچے کو مبینہ طور پر زیادتی کے بعد قتل کرنے کا افسوسناک واقعہ پیش آیا تھا ملزم نے بچے کو گولیاں لے کر دیں تھی اور سکول میں لے کر گیا تھا جس کو اہل علاقہ نے دیکھا تھا جس پر اے ایس پی ڈاکٹر سمیر نور کی سربراہی میں انویسٹی گیشن ٹیم تشکیل دی گئیپولیس نے شک کی بنا پر ملزم کو حراست میں لیا تو دوران انٹیروگیشن ملزم نے جرم تسلیم کر لیا،پولیس نے تمام تر وسائل کا استعمال کرتے ہوئے ملزم کو ٹریس کر لیا ہے،ملزم نے بچے کے ساتھ زیادتی کی اور اپنا جرم چھپانے کیلئے بچے کا گلہ دبا کر اسے سکول کے گراسی گراؤنڈ میں ڈبو کر قتل کیا۔انہوں نے بتایا کہ ملزم سکول کا پرائیویٹ چوکیدار تھا۔ ملزم شناخت پریڈ کے لئے جیل بھیج دیا ہے،ڈی پی او پاکپتن نے پولیس ٹیم کے لیے نقد انعام اور تعریفی سرٹیفکیٹس کا بھی اعلان کیا۔
