پاکپتن (ایف یو نیوز) بر صغیر پاک و ہند کے عظیم صوفی بزرگ حضرت بابافریدؒ کے سالانہ 774ویں عرس مُبارک کی پندرروزہ تقریبات کا آغاز 25 زوالحج 28ستمبر سے شروع ہو گاسجادہ نشین دربار عالیہ دیوان مودود مسعود چشتی فاروقی عرس تقریبات کا افتتاح کریں گے اس موقع پر عرس تقریبات میں شرکت کے لئے مشائخ عظام اور اندرون و بیرون ملک سے عقیدت مندوں کی بہت بڑی تعداد کی آمد کا سلسلہ شروع ہو چکا ہے نامور قوال پارٹیاں بھی جوق در جوق پہنچ رہی ہیں جو کہ محفل سماع میں اپنے مقررہ وقت پر سماں باندھے گی محفل سماع کا سلسلہ پانچ محرم الحرام تک جاری رہے گا سجادہ نشین دربار عالیہ دیوان مودود مسعود چشتی فاروقی مشائخ عظام اور مریدین کے ہمراہ بہشتی دروازہ پانچ محرم الحرام کی شام کھولے گیں محکمہ اوقاف و ضلعی انتظامیہ اور پو لیس کی جانب سے ذائرین کو بہتر سہولیات فراہم کرنے کیلئے انتظا مات کئے جارہے ہیں اور زائرین کی سیکیورٹی کیلئے فول پروف انتظا مات کئے جارہے ہیں دربار کے ارد گرد اور شہر کے اندر مختلف مقا مات پر سی سی ٹی وی سیکیورٹی کیمرے نصب کئے جائیں گئے دربار کے ارد گرد کے علاقہ کو ریڈ ذون قرار دیا گیا ہے اور تمام ملحقہ بازاروں کو بند رکھا جائے گا دربار کے داخلی اور خارجی راستوں پر واک تھرو گیٹ نصب کئے جائیں گے اور ذائرین کو جامہ تلاشی کے بعد دربار داخلہ کی اجازت دی جائے گی ضلعی پولیس نے عرس کی سیکیورٹی کیلئے افسران بالاسے پو لیس اہلکاروں کی اضافی نفری کے لئے ڈیمانڈ بھیج رکھی ہے عرس کے دنوں میں اندرون و بیرون ملک سے لاکھوں عقیدت مند وں کی پاکپتن آمد ہوتی ہے۔
