پاکپتن(بیورورپورٹ) انگلینڈ سے آئے 16 رکنی سکھ یاتریوں کے وفد نے دربار بابا فرید پر حاضری دی۔سکھ یاتریوں نے بہشتی دروازے پر اپنی مذہبی رسومات بھی ادا کیں،کرتار پور بارڈر پر جاری کام کو پاکستان حکومت کا خوش آئین اقدام قرار دیا تفصیلات کے مطابق انگلینڈ سے آئے 16 رکنی سکھ یاتریوں کے وفد نے حضرت بابا فرید الدین گنج شکر کے مزار پر حاضری دی۔سکھ یاتریوں کے وفد نے بہشتی دروازے پر اپنی مذہبی رسومات ادا کیں دربار کے مختلف حصے دیکھے اور قوالوں سے بابا فرید کے لکھے ہوئے صوفیانہ کلام بھی سنے۔محکمہ اوقاف کی طرف سے منیجر اوقاف بشیر احمد کھچی نے موقع پر پہنچ کر وفد کی مزار پر بابا فرید کا روایتی تبرک پھولوں کی چادر کیساتھ دستار بندی بھی کی اس موقع پر سکھوں کا کہنا تھا کہ گرنتھ صاحب میں بابا فرید کے لیے اہم مقام ہے،کرتار پور بارڈر پر جاری کام حکومت پاکستان کا خوش آئین اقدام ہے۔انہوں نے کہا کہ انڈین حکومت بھی اپنا کردار ادا کرے تو بارڈر جلد کھل سکتا ہے۔انہوں نے کہا کہ دربار پر آکر من کو بہت سکون ملا ہے جو دل میں تمنائیں لیکر آئیں ہیں وہ ضرور پوری ہوں گی اس موقع پر پولیس کی جانب سے وفد کی سکیوڑٹی کے خاطر خواں انتظامات بھی کیے گئے تھے۔سکھ یاتریوں کا وفد 12 روزہ دورے پر پاکستان پہنچا ہے۔

QR Code: