اسلام آباد: پاکستان ٹیلی ویژن کے نوجوان بلے باز محمد شہزاد نے فرسٹ کلاس کرکٹ میں پاکستانی بلے باز کی جانب سے تیز ترین سنچری کا ریکارڈ قائم کر دیا۔
محمد شہزاد نے پریزیڈنٹ ٹرافی گریڈ ون کے میچ میں کنگز مین اکیڈمی کے خلاف صرف 49 گیندوں پر سنچری مکمل کی۔ اس سے قبل یہ ریکارڈ سابق پاکستانی کپتان مصباح الحق کے پاس تھا، جنہوں نے 2014 میں آسٹریلیا کے خلاف 56 گیندوں پر سنچری بنائی تھی۔
شہزاد نے مجموعی طور پر 62 گیندوں پر 114 رنز بنائے، جس میں 12 چوکے اور 8 چھکے شامل تھے۔ یہ ان کی فرسٹ کلاس کرکٹ میں چھٹی سنچری بھی ہے۔
