کراچی: حکومت صداتی نظام لانا چاہتی ہے تو تاجر ساتھ دینگے، پارلیمانی نظام مکمل طور پر ناکام ہو چکا ہے: ایاز میمن

Print Friendly, PDF & Email

کراچی (سٹاف رپورٹر) کراچی تاجرالائنس ایسوسی ایشن کے چیئرمین وبانی عام آدمی پاکستان ایاز میمن موتی والا نے تاجر الائنس نے صدارتی نظام کو ملکی مسائل کا حل قرار دیتے ہوئے کہاہے کہ ملک میں پارلیمانی نظام حکومت بہت کمزور ہے ا س میں زیادہ تر اسمبلیوں اور دیگر وفاقی عہدوں پردولت مند لوگوں کی اجارہ داری قائم رہی ہے ،جمہوریت کا نام لیکر پاکستانی سیاست پر زیادہ تر دولت مند ٹولہ قابض رہاہے ۔ان خیالات کااظہارانہو ں نے ڈیفنس آفس میں تاجر الائنس کے وفد سے ہونے والی ملاقات میں کیا،ان کا کہنا تھا کہ یہ ہی وجہ ہے کہ موجودہ پارلیمانی نظام بھی مکمل طور پر ناکام ہوچکاہے ،ملک میں مسائل کم ہونے کی بجائے دن دبدن بڑھ رہے ہیں،ملک میں سیاسی افراتفری بھی پارلیمانی نظام کے ساتھ ہی دفن ہوجائیگی ،اگر تحریک انصاف کی حکومت صداتی نظام کو لانا چاہتی ہے تو اس سلسلے میں کراچی کے تاجر حکومت کا بھرپور ساتھ دینگے ۔انہوں نے کہاکہ اس ملک میں اصل مسئلہ مہنگائی او ر بے روزگاری کا ہے جس کی بنیادی وجہ ملکی معیشت میں کمزوریاں ہیں جنھیں دور کرنے کی کبھی کوشش نہیں کی گئی ،جبکہ عوام کو آمریت اور جمہوریت کے ناموں میں الجھا دیاجاتاہے جبکہ اصل معاملہ ایسے لوگوں کاعوام کی توجہ ہٹانا ہوتاہے ۔انہوں نے کہاکہ ملک میں زیادہ تر ترقی ان ہی ادوار میں ہوئی ہیں جب جب ملک صدارتی نظام نافذ رہاہے اور اس ملک کا تاجراور عام آدمی خوشحال رہاہے ۔کیونکہ پارلیمانی نظام کو صرف مفادپرستی کے لیے استعمال کیاجاتاہے ،اور آج قوم بھی موجودہ طرز حکومت سے بے زار دکھائی دیتی ہے ، جبکہ حکومت نے بھی اپنے نو ماہ کے اندر عوام کو مایوسیوں کے سوا کچھ نہ دیاہے اس کے باوجود اگر یہ سمجھتے ہیں کہ یہ لوگ صدارتی نظام لاکرعوام کو کچھ ڈیلیور کرسکیں گے تو انہیں اس بات کا ضرور موقع ملنا چاہیے ،انہوں نے مزید کہاکہ ملک میں آج بھی غریب اور امیر کے لیے قانون الگ الگ ہیں یہ وہ معاملات ہیں جن پر توجہ دیئے بغیرہم مدینہ کی ریاست ہونے کا تصور بھی نہیں کرسکتے ۔

570 total views, 3 views today

Short URL: //tinyurl.com/yxmvodup
QR Code:
انٹرنیٹ پہ سب سے زیادہ پڑھے جانے والے مضامین
loading...

Leave a Reply

Your email address will not be published. Required fields are marked *