پاکپتن(بیورورپورٹ) سرکاری افسران اپنا قبلہ درست کریں اپنے آپ کو عوام کا خادم سمجھیں ان خیالات کا اظہارتحصیل صدر پاکستان تحریک انصاف پاکپتن مفتی وجاہت شاہ نے جاری کئے گئے ایک بیان میں کیا انہوں نے کہا کہ سرکاری محکموں کے کرپٹ عناصر اب اپنا قبلہ درست کر لیں اور غریب مظلوم افراد کو انکی دہلیز پر انصاف فراہم کریں عام آدمی کو زیادہ سے زیادہ ریلیف دیا جائے اور ان کے مسائل ختم کئے جائیں اب کسی بھی طرح کی کرپشن کو برداشت نہیں کیا جائے گاکرپشن سے پاک پاکستان تحریک انصاف کا بنیادی منشور ہے تحریک انصاف کا ہر ورکر اپنے لیڈر عمران خان کے ویژن کی حفاظت کے لیے تیار ہے۔
