پاکپتن (بیورورپورٹ) حکومت پنجاب کی ہدایات کے مطابق ہفتہ غذائیت کے دوران غذائی قلت کے شکار افراد کو ممکنہ سہولیات مہیا کی جائیں ، ہفتہ کا بنیادی مقصدبچوں کا عمر کے لحاظ سے پست قامت ہونے کی روک تھام کے لیے آگاہی اور علاج کا فراہم کرنا اور حمل سے زچگی کے بعد 1000دن (2دن )تک غذائی ضروریات پوری کرنا اور حاملہ خواتین کو بہترین علاج معالجہ اور مناسب غذائی ضروریات فراہم کرنے سے متعلق آگاہی دینا ہے ، ان خیالات کا اظہار ڈپٹی کمشنر احمد کمال مان نے رورل ہیلتھ سنٹر 163/E.B میں ہفتہ غذائیت سے متعلق افتتاحی تقریب سے خطاب کرتے ہوئے ہوئے کیا ، جس میں چیف ایگز یکٹو آفسیر ڈسٹرکٹ ہیلتھ سنٹر ڈاکٹر رانا امتیاز احمد ، ڈی او ہیلتھ ڈاکٹر ریاض احمد ، ڈی ڈی او ہیلتھ راؤ شمشیر علی خاں سمیت دیگر متعلقہ اداروں کے افسران بھی موجود تھے ،چیف ایگز یکٹو آفسیر ڈسٹرکٹ ہیلتھ اتھارٹی ڈاکٹر رانا امتیاز احمد نے کہا کہ ہفتہ غذائیت کے دوران تمام وسائل کو استعمال میں لا کر ماں ،حملہ خواتین بچوں کو دودھ پلانے والی ماؤں اور5سال سے کم عمر بچوں کی صحت کو بہتر بنایا جا سکے اور حاملہ خواتین نو عمر لڑکیوں اور پانچ سال سے کم بچوں میں غذائی کمی کا خاتمہ کیا جا سکے اس ہفتہ کے دوران محکمہ صحت کی جانب سے متعیں کردہ لیڈی ہیلتھ ورکرز گھر گھرجا کر حاملہ خواتین ،نو عمر لڑکیوں ،دودھ پلانے والی ماؤ ں اور 5سال سے کم عمر بچوں کی غذائی کمی کے حوالے سے جانچ پڑتال کریں گی اور غذائی کمی کے شکار بچوں اور حاملہ خواتین اور نو عمر لڑکیوں کو علاج لے لیے مرکز صحت ریفر کریں گی ،اور دو سال سے پانچ سال تک کے بچوں کو پیٹ کے کیڑوں سے بچاؤ کے لیے گولیاں کھلای جاینگی اس کے علاوہ دوران ہفتہ غذائیت ،حمل سے لے کر زچگی کے بعد دوسال تک غذائی ضروریات کے حوالے سے آگاہی ،حاملہ خواتین ،دودھ پلانے والی ماؤں کے لیے صحت سے متعلق گاہی کا قیام عمل میں لایا جایگا ،ڈپٹی کمشنر احمد کمال مان نے کہا کہ بچوں میں وٹامن اور معدنیات سے بھر پور ساشے کی فراہمی کو یقینی بنایا جائیگا دوسال سے 5سال کے بچوں کو پیٹ کے کیڑوں کے خاتمہ کے لیے مبیڈازول گولی کی فراہمی ،سکول ہیلتھ اینڈنیو ٹریشن سپروائزر کی جانب سے خواتین اور بچوں کے لیے صحت سے متعلقہ تربیتی سیمینار ،سیشن کا قیام عمل میں لایا جائے، انہوں نے محکمہ صحت کے حکام کو ہدایات جاری کیں کہ مرکز صحت پر ہفتہ غذائیت کے دوران غذائیت سے متعلق معلوماتی ڈیسک کا قیام عمل میں لاجائے گا اور عوام کو صحت اورغذائیت سے متعلقہ آگاہی فراہم کی جائے گی اور کمیونٹی سے لیڈی ہیلتھ ورکرز کی جانب سے غذائی کمی کی شکار ریفر کیے جانیوالوں بچوں کو غذائی قلت کے خاتمہ کے لیے علاج فراہم کیا جائے گا اس ضمن میں عوام محکمہ صحت کی طرف سے متعین کردہٹیموں کے ساتھ بھرپور تعاون کریں اور ماؤں ،حانلہ خواتین اور بچوں کی صحت کو بہتر بنانے کے سلسلہ میں اپنا موثر کردار ادا کریں۔

QR Code: