کراچی (ایف یو نیوز) تنظیمات اہلسنّت کے زیراہتمام نشتر پارک کراچی میں منعقدہ ’’لبیک یارسول اللہ ﷺکانفرنس‘‘ سے خطاب کرتے ہوئے سربراہ پاکستان سنی تحریک محمدثروت اعجازقادری کہاکہ حکومت اور اپوزیشن پاناما لیکس سکینڈل کی تحقیقات سے فرار کے راستے تلاش کررہے ہیں،لیکن عوام کرپٹ مافیا کواب بھاگنے نہیں دیں گے ،انھیں ہرحال میں جواب دیناہی ہوگا،پاناما لیکس نے ثابت کردیا ہے کہ کرپشن کے حمام میں سب ننگے ہیں،عوامی نمائندوں کو آرٹیکل 62,63پرپورااترناچاہیے،وزیر اعظم کی ضدسے کوئی بڑاسانحہ رونماہوسکتاہے،ملک کو کرپشن سے پاک کرنے کیلئے بڑی تحریک کی ضرورت ہے اوراسکے لیے ہم نے انقلاب کی طرف قدم رکھ دیاہے، ممتاز قادری شہیدکی پھانسی کے خلاف مسجد نبوی میں گونوازگوکے نعرے لگے ہیں اب ان کوکوئی نہیں بچا سکتا،ہم ظلم کے نظام سے اعلانِ بغاوت کرتے ہیں،کرپشن کے بت پاش پاش کرنے کا وقت آگیا ہے، ملک 70ارب ڈالر کا مقروض ہے جبکہ حکمرانوں کے 375ارب ڈالر لندن، امریکہ اور دبئی کے بینکوں میں پڑے ہیں،کرپشن کے ذریعے باہر منتقل کی گئی 375ارب ڈالر کی رقم واپس لاکر ملکی معیشت مضبوط کی جاسکتی ہے، مشرق وسطیٰ میں بد امنی کے پیچھے امریکہ و اسرائیل کا ہاتھ ہے،مسلم حکمران شام میں خانہ جنگی ختم کروانے کیلئے اپنا کردار ادا کریں،سول حکومت پاک فوج کی قربانیوں کوضائع کررہی ہے،قومی ایکشن پلان ناکام ہواتوکچھ بھی نہیں بچے گا،آخری دہشتگرد اور ان کے سہولت کاروں کے منطقی انجام تک ضرب عضب آپریشن کو جاری رکھنے کی حمایت کرتے ہیں۔
ثروت اعجازقادری نے مزید کہا کہ پانامہ لیکس نے بتایا ہے کہ قادیانی جماعت 48آف شور کمپنیوں کی مالک ہے ،قادیانیوں کا سربراہ مرزا مسرور بھی کئی کمپنیوں کا مالک نکلا ہے اس کا شمار دنیا کے امیر ترین لوگوں میں ہوتا ہے ،قادیانی ملک میں نوٹوں کی چمک دھمک سے ورغلا کر بھولے بھالے افراد کو قادیانی بنارہے ہیں حکومت پاکستان اور قومی ادارے قادیانیوں کی سرگرمیوں پر پابندی عائد کریں ،پانامہ لیکس میں قادیانی جماعت کی 48آف شور کمپنیوں اور قادنیوں کے سربراہ کی فوری طور پر
FIA
اورنیب تحقیقات کرئے ،اسلام دشمن قادیانی جماعت کی سرگرمیوں پر پابندی عائد کی جائے۔
ڈاکٹر اشرف آصف جلالی نے کہا کہ پاکستان اسلام کا قلعہ ہے ،نہرو کی دھوتی کے نیچے رہنے والے آج پاکستان کا ہیرو بننا چاہتے ہیں ،کانگریسی ملاؤں نے پاکستان کو شدید نقصان پہنچایا ہے ،آنے والا وقت ناموس رسالت ﷺ کیلئے کام کرنے والوں کا ہے ،پاکستان ہمارے اکابرین نے اپنی جانوں کے نذرانے دیکر بنایا اور آج ہم بانیان پاکستان کی اولادیں پاکستان بچانے کیلئے کسی بھی قسم کی قربانی سے دریغ نہیں کرینگے ،ملک میں نظام مصطفی ﷺ کی تحریک کو تیز کرکے نظام مصطفی ﷺ کا نفاذ کرکے دم لینگے۔ اس موقع پر جلسہ گاہ کے اطراف سخت سیکورٹی کے انتظامات کئے گئے تھے اور جلسہ گاہ کے اندر اور باہر سنی تنظیموں کے ہزاروں رضاکاروں نے سیکورٹی کے فرائض انجام دیے۔ کانفرنس میں ہزاروں غلامان مصطفی نے اکابرین پاکستان اور اکابرین اہلسنّت کی جدوجہد کو جاری رکھنے اور پاکستان کو اسلامی وفلاحی ریاست بنانے کا عزم کیا۔
اس موقع پر شیخ الحدیث خادم حسین رضوی ،پیر سید عرفان شاہ مشہدی ،پیر ٖافضل قادری،محمدشاہدغوری، شاداب رضانقشبندی، پیرعنایت الحق شاہ، مفتی عابدمبارک،علامہ فاروق الحسن قادری اور دیگر مقررین نے کہاکہ ملک سے انتہا پسندی اورکرپشن کے خاتمے کے لئے ضروری ہے کہ فوری طورپر ملک میں حقیقی اسلامی نظام حکومت قائم کیاجائے۔ ہمارے حکمران جمہوریت کا راگ الاپ کر آف شو کمپنیوں کے ذریعے اربوں روپے بیرون ملک منتقل کرچکیں ہیں اور پنامہ لیکس نے اس کے تمام شواہد عوام کے سامنے پیش کردئیے ہیں۔ ملک میں دہشتگردی، کرپشن اور انتشار کے اصل ذمہ دار ہمارے نام نہاد جمہوری حکمران ہیں اس لئے ضروری ہے کہ پاک فوج اس میں اپنا بھرپور کردار ادا کرے اور کرپٹ حکمرانوں کے خلاف بھی فوجی عدالتوں میں مقدمات چلائے جائیں۔ ملک بھرکی تمام سنی تنظیمات اس پلیٹ فارم پر متحد ہیں کہ اس ملک سے دہشتگردی اور کرپشن کا خاتمہ ہو اور اس کے لئے عوام کو بھی ایک پلیٹ فارم پر متحد کیا جائے گا۔

QR Code: