پاکپتن ( طاہر فرید سے) گندم کی خریداری کیلئے تمام انتظامات بروقت مکمل کیے جائیں ،حکومتی ہدایات کے مطابق کسانوں ، کاشتکاروں سے گندم خرید کے سلسلہ میں موثر اقدامات کریں اور متعلقہ محکمے باہمی ربط ورابطہ کے زریعے اپنے فرائض دیانتداری و ایمانداری سے انجام دیں ، ان خیالات کا اظہار ڈپٹی کمشنر احمد کمال مان نے گندم خریداری کے سلسلہ میں بلائے گئے اجلاس کی صدارت کرتے ہوئے کیا ، اجلاس میں اسسٹنٹ کمشنر پاکپتن علی عاطف ، اسسٹنٹ کمشنر عارفوالا افتخار حسین بلوچ ، اے ڈی سی فنانس ار شد وٹو،ڈسٹرکٹ فوڈ کنٹرولر اسرار احمد ، ایس این اے فیاض مسعود، ریسکیو1122 عبدالقیوم نعمیے ، انچارج اراضی ریکارڈ سنٹر عاصم ہاشمی، تحصیلدار بختیاز احمد ڈھکو، ڈی او سول ڈیفنس محمد شہزاد، مارکیٹ کمیٹی، پولیس، ایجو کیشن ، حکام اور کسان اتحاد کے نمائندوں سمیت دیگر متعلقہ اداروں کے افسران بھی موجود تھے ، ڈپٹی کمشنر احمد کمال مان نے کہا کہ مراکز خرید گندم پر کرسیاں ، سائے کا انتظام ، پینے کے ٹھنڈے پانی کی فراہمی سمیت دیگر مطلوبہ سہولیات فراہم کی جائیں اورمعلوماتی بینرز بھی آویزاں کیے جائیں ، گندم خریداری کے سلسلہ میں تمام افسران آفشیل امور بہتر طریقے سے انجام دیں اور گردواری سمیت منظور شدہ حتمی فہرستیں بھی آویزاں کریں یے اور کو شش کریں کہ کسانوں اور کاشتکاروں کے مسائل متعلقہ مرکز خرید گندم پر حل ہوں ،انہوں نے کہا کہ باردانے کے اجراء کے سلسلہ میں مقررمدت میں درخواستیں وصول کی جائیں اور حکومتی گائیڈ لائن کے مطابق گندم خرید کے سلسلہ میں اقدام کریں، ڈپٹی کمشنر احمد کمال مان نے کہا کہ حکومت پنجاب کی پالیسی کے مطابق1300 روپے فی40 کلو گرام کے حساب سے گندم خرید کی جائے گی، کسانوں ، کاشتکاروں کو لوڈنگ اور ان لوڈنگ کی مد میں فی بوری9 روپے چارجز ادا کیے جائیں گے ،ایک کسان کو زیادہ سے زیادہ 10 ایکڑ کیلئے بار دانہ جاری ہو گا تاہم حتمی فیصلہ حکومت کرے گی ،انہوں نے کہا کہ باردانہ کیتقسیم گردواری کی بنیاد پر ہوگی، باردانہ کے حصول کیلئے کسانوں ، کاشتکاروں سے8 اپریل سے17 اپریل تک درخوا ستیں وصول کی جائیں گی اور22 اپریل کو باردانہ کی تقسیم کے عمل کا آغا ز کیا جائے گا ۔

QR Code: