ڈی ایس پی پنجاب ہائی وے پٹرولنگ پولیس شیخوپورہ نے ہمراہ فاروق آباد پوسٹ انچارج محمد حسین کے ٹریفک قوانین سے آگاہی کے لئے ایک روزہ کیمپ لگایا۔اس سلسلے میں ڈی ایس پی پنجاب ہائی وے پٹرولنگ پولیس شیخوپورہ چوہدری شفقت رشید نے سینکڑوں گاڑیوں ميں ٹریفک قوانین کی آگاہی کے حوالے سے آگاہی شیٹ تقسیم کی، اور لوکل ٹریفک کمپنیوں کے ڈرائیوروں سے خود اس بارے ميں بات چیت کی۔ انہوں نے ہر شخص کو محتاط اور محفوظ ڈرائیونگ کا مشورہ دیا سیٹ بیلٹ لازمی استعمال کرنے کے ہدایت کی اور اپنا ڈرائیونگ لائسنس ہمراہ رکھنھے اور دوران سفر کسی بھی اجنبی کو لفٹ نہ دینے کا مشورہ بھی دیا۔ ان کا کہنا  تھا کہ اجنبی افراد کو لفٹ دے کر عام آدمی خود کسی مصیبت میں مبتلا ہو سکتا ہے۔ انہوں نے تمام ڈرائیور حضرات کو قوانین کا احترام کرنے کی بھی نصیحت کی۔ ڈی ایس پی ٹریفک پولیس شیخوپورہ چوہدری رشید نے مزید کہا کہ ہائی وے پولیس چوبیس گھنٹے عوامی خدمت کے لئے کوشاں ہے اگر کسی بھی شخص کو ہائی وے پر سفر کرتے ہوئے کسی پریشانی کا سامنا کرنا پڑتا ہے تو وہ فوراً 1124پر کال کر کےاپنی پریشانی بتائے انشا اللہ ٹریفک پولیس کا عملہ فوراً اس کے پاس آ کر مسلہ حل کرنے کی پوری کوشش کرے گا۔ اگر کوئی بھی ٹریفک پولیس کا اہلکار رشوت لیتا یا کرپشن کرتا ثابت ہو گیا تو اس کے خلاف فوری سخت کاروائی کی جائے گی۔

QR Code: