پپلاں (محمد رضوان آکاش) گورنمنٹ ڈگری کالج کندیاں اورگورنمنٹ بوائز ہائی سکول کندیاں کے ہیڈمدرسین کے درمیان راستے کا تنا زعہ طول پکڑنے کی وجہ سے کچھ سیاسی لوگ بھی درمیان میں کود پڑے جس کی وجہ سے کسی وقت بڑاوقوعہ پیش ہونے کا شدید خطر ہ لاحق ہے کالج اور سکول میں زیر تعلیم طلباء کے والدین میں بے چینی اور اضطراب ۔ گور نمنٹ بوائز ہائی سکول کندیاں کے ہیڈماسٹر ملک نذیر اعوان نے کہا ہے کہ محکمہ مال کے ریکارڈ کے مطابق اکیاون کنال نو مرلے اراضی سکول کے نام ہے اور سکول میں سے کالج کا راستہ منظو ر شدہ نہ ہے اس کے علاوہ کالج کے دو آہنی گیٹ راستے کے لیے لگے ہوے ہیں جبکہ گورنمنٹ ڈگری کالج کے پرنسپل ملک اقبال کندی کا موقف ہے کہ ایمر جینسی کی صو ر ت میں کالج کا راستہ روڈ کے ساتھ نہ ہونے کی وجہ سے کوئی ریسکیو ٹیم یافائربریگیڈ نہیں آسکتی ہے اس لیئے کالج کا راستہ جرنیلی روڈ کے ساتھ ہونا ضروری ہے تبھی ایمرجینسی پر قابو پایا جا سکتاہے کیونکہ کالج سیکیورٹی کے لحا ظ سے اے پلس کیٹیگری میں شامل ہے عوامی سماجی حلقوں نے ڈی سی او میانوالی محمد خان رانجھا اور اسسٹنٹ کمشنر پپلاں احمد حسن رانجھا سے اپیل کی کہ وہ ذاتی طور پر اسکا نوٹس لیکر معاملات کو حل کرائیں۔

QR Code: