پپلاں(محمد رضوان آکاش)مریم نواز امدادی سکیم کی آڑ میں عوام سے لوٹ مار اور مسلم لیگ کی ذیلی تنظیموں سے ضلعی عہدیداروں کی طرف سے روا رکھے جانیوالے ناروا سلوک پرپاکستان مسلم لیگ (ن) کندیاں کی مجلس عاملہ کے چیئر مین حاجی محمد سعید ،سیکرٹری نشرو اشاعت ریاض شاہد کندی نے اپنے عہدوں سے احتجاجاً استعفے دے دیئے انہوں نے اپنے استعفوں میں کہا ہے کہ کندیاں میں مسلم لیگ (ن) کا نام استعمال کر کے غریب نادار اور مفلس عورتوں سے امداد کا جھانسہ دیکر ان سے ہزاروں روپے بٹور لیئے گئے جبکہ مسلم لیگ کے مقامی سینئر رہنماؤں کی طرف سے احتجاج پر انکے خلاف جھوٹی درخواستیں اور بے بنیاد پراپیگینڈہ کیا گیا انہوں نے کہا کہ جب تک مسلم لیگ (ن) کے حکام بالا کی طرف سے کندیاں میں مریم نواز امدادی سکیم کے نام پر ہونیوالی لوٹ مار کی مکمل اور شفاف تحقیقات نہیں کی جاتیں اور کارکنوں کے تحفظات دور نہیں ہوجاتے اس وقت تک وہ اپنے عہدوں سے مستعفی رہیں گے مستعفی ہونیوالوں نے گذشتہ روز مسلم لیگ (ن) کندیاں کے ہنگامی اجلاس میں مقامی صدر ظہیر احمد کندی کو اپنے استعفے پیش کیئے اجلاس میں جنرل سیکرٹری عطاء محمد وینس، سینئر نائب صدر محمد اکبر جوڑا، احمد شیر جاوید ممبر پنجاب کونسل، محمد مشتاق مشتی جوائنٹ سیکرٹری ، غلام احمد نائب صدر، محمد اقبال خان ، ممبر مرکزی جنرل کونسل اقبال ساجد سمیت دیگر عہدیداروں اور کارکنوں نے کثیر تعداد میں شرکت کی اجلاس میں تنظیم کے دیگر امور بھی زیر بحث لائے گئے جبکہ ایک متفقہ قرار داد کے ذریعے مقامی صدر ظہیر احمد کندی سے مطالبہ کیا گیا کہ کندیاں میں مریم نواز امدادی سکیم کی آڑ میں لوٹ مار کا نوٹس لیکر مسلم لیگ (ن)کے نام لوٹ مار کرنیوالی کالی بھیڑوں کو بے نقاب کیا جائے اور انہیں منطقی انجام تک پہنچایا جائے نیز اجلاس میں یہ بھی کہا گیا کہ مسلم لیگ کی علاقائی تنظیموں کے ساتھ گذشتہ کچھ عرصہ سے جو زیادتیاں ہورہی ہیں وہ ناقابل برداشت ہیں کارکنوں کے جائز مسائل حل نہیں ہوتے شرکاء اجلاس نے ایک دوسری قرار داد کے ذریعے فیصلہ کیا کہ کندیاں میں کارکنوں کے ساتھ ہونیوالی زیادتی اور بعض عناصر کی طرف سے مریم نواز امدادی سکیم کی آڑ میں ہونیوالی لوٹ مار سے وزیراعلیٰ پنجاب کو آگاہ کیا جائے گا تاکہ جملہ معاملات کی اعلیٰ سطحی تحقیقات ہوسکیں۔

QR Code: