پپلاں (نامہ نگار) میانوالی کے تاجروں کو بھتے کی پرچیاں موصول ہونا پنجاب حکومت اور ضلعی انتظامیہ کے لیئے ایک بہت بڑا چیلنج اور لمحہ فکریہ ہے جو ایک انتہائی تشویشناک امرہے جسکی وجہ سے تاجر طبقہ عدم تحفظ کا شکار ہے اس لیئے ضلع بھر کے تمام تاجروں کو متحد ہو کر بھتہ مافیا کے خلاف آواز اٹھانا چاہیئے اور وہ ظلم پر ہرگز خاموش نہ رہیں پاکستان تحریک انصاف میانوالی کے تاجروں کو بھتہ مافیا کی طرف سے پرچیاں بھجوانے کی شدیدترین الفاظ میں مذمت کرتی ہے اور ہم پوری تاجر برادری کو یقین دلاتے ہیں کہ پی ٹی آئی تاجروں کا بھر پور ساتھ دے گی وہ اپنے آپ کو تنہا نہ سمجھیں ان خیالات کا اظہار ممبر قومی اسمبلی امجد علی خان نے تاجروں کے وفد سے دوران ملاقات گفتگو کرتے ہوئے کیا انہوں نے کہا کہ موجودہ دور حکومت میں کراچی کے بعد اب ملک کے تمام بڑے شہروں میں بھی بھتہ مافیا سرگرم ہو چکا ہے اور اسکی جڑیں پورے ملک میں پھیل رہی ہیں اور بھتہ مافیا کو حکومت کا کوئی خوف نہیں رہا جبکہ حکومت خواب خرگوش کے مزے لے رہی ہے جو موجودہ حکومت کی ناکامی ہے امجد علی خان نے مزید کہا کہ ڈی سی او میانوالی اور ڈی پی او میانوالی کو اس تشویشناک صورت حال کا فوری طور پر نوٹس لینا چاہیئے اور بھتہ مافیا سے کسی قسم کی کوئی رو رعایت نہ برتی جائے انہوں نے کہا کہ ملک میں امن و امان کی صورت حال پہلے ہی ابتر ہے جبکہ میانوالی میں بھی کرپشن لوٹ مار ڈاکے قتل و غارت اور جرائم کی کاروایاں اب دن بدن بڑھ رہی ہیں اور حکمرانوں کو سوائے اقتدار اور لوٹ مار کے کسی بات کی فکر نہیں تمام سرکاری اداروں میں لوٹ مار کا بازار پہلے ہی گرم ہے اب میانوالی کے تاجر طبقہ کو بھتے کی پرچیاں ملنا شروع ہو گئی ہیں انہوں نے کہا کہ کچھ دن پہلے کندیاں میں مریم نواز امدادی سکیم کے نام پر مسلم لیگ ن کے عہدیداروں کی طرف سے سادہ لوح خواتین کو ؒ لوٹنے کی خبریں آئی ہیں اور اب بھتہ مافیا سرگرم ہو رہا ہے اگر ضلعی انتظامیہ نے فوری طور پر اسکا نوٹس نہ لیا تو کل کلاں لوگوں کے گھروں میں بھی بھتے کی پرچیاں ملنا شروع ہو جائینگی اس لیئے فوری طور پر اس پر ایکشن لیا جائے اور ایسے افراد کے خلاف مقدمے درج کر کے انکو گرفتار کر کے قرار واقعی سزا دی جائے ۔

QR Code: