پپلاں ( محمد رضوان آکاش) اسسٹنٹ کمشنر پپلا ں احمد حسن رانجھا ٹیل کے کاشتکاروں تک نہری پانی پہنچانے اور پانی کے ضیاع کو روکنے کے لیئے محکمہ انہار میانوالی کی طرف سے نہروں میں ہونے والے بھل صٖفائی کے کام کا موقع پر جاکر خود معائنہ کریں اور ناقص کام کرنے والے کنٹریکٹرز کو کام درست کرنے کا پابند بنائیں کاشتکاروں اور علاقہ مکینوں نے کہا کہ پپلاں راجباہ میں ہونے والا بھل صفائی کا کام محکمہ کے بیلداروں اور مزدوروں کی بجائے ایکسکیویٹرز کے ذریعے شروع کروایا گیا ہے جسکی نگرانی محکمہ انہار کا عملہ کرنے میں مصروف ہے کیونکہ نہروں کی سالانہ بندش جاری ہے اور بھل صٖفائی کے کام کو عجلت اور تیز رفتاری سے مکمل کیا جا رہا ہے جو بالکل غیر میعاری ہے اور کئی مقامات سے بھل صفائی کا کام چھوڑ دیا گیا ہے تحصیل بھر کے کاشتکاروں نے محکمہ انہار میانوالی کی بھل صٖفائی مہم پر اپنے عدم اطمینان کا اظہار کرتے ہوئے کہا حکومت پنجاب کی طرف سے لاکھوں روپئے کی خطیر رقم کو ضائع ہونے سے بچایا جائے اور محکمہ انہار میانوالی کے عملہ کی ملی بھگت سے ہونے والے غیر میعاری کام کا موقع پر جائزہ لیا جائے اور اسکے مکمل کروایا جائے تاکہ نہروں کی بندش کھلنے سے قبل کام مکمل ہو جائے اور پانی کے ضیاع کو روک کر ٹیل کے کاشتکاروں کو پانی صحیح پہنچایا جا سکے۔