پپلاں ( محمد رضوان آکاش) پیٹرولیم مصنو عات کی قیمتوں میں مسلسل تیسری بار واضح کمی کے با وجود ضلعی انتظامیہ اوربالخصوص سیکریٹری آر ٹی اے میانوالی پبلک ٹرانسپورٹ کے کرایوں پر عمل در آمد کروانے میں یکسر ناکام ہو چکے ہیں او ر پپلاں اور اسکے کے ارد گرد کے علاقوں میں ٹرانسپورٹر ابھی تک عوام سے زیادہ کرایہ وصول کرنے میں مصروف ہیں جو انتظامیہ کی ناکامی کا واضح ثبوت ہے۔ان خیالات کا اظہار مسلم لیگ ن تحصیل پپلاں کے صدر رانا سعید اختر اور دیگر عہدیداروں ورکروں ملک محمد آصف راجہ بشیر احمد رانا محمد مرسلین حاجی محمد امین حاجی حق نوا ز مانک خالد محمود ملک ملک اختر علی چوہان رانا عبید الرحمن حافظ عبدالکریم رانا محمد وکیل چوہدری محمد اسلم محمد سرفراز محمد اقبال یونس گل چوہدری نذیر حسین رانا محمد مبشر محمود بیگ رانا عمران موبائل سنٹر اور دیگر مسلم لیگی ورکروں نے اپنے مشترکہ بیان میں کیا انہوں نے کہا کہ ہم اپنے قائد میاں محمد نوز شریف کو خراج تحسین پیش کرتے ہیں کہ انہوں بروقت اقدامات اٹھا کر عوام کو ریلیف دیا جس کی وجہ سے مسلم لیگ ن کی حکومت پر عوام کاا عتماد مزید بڑھا لیکن اس کمی کا اصل فائدہ تبھی عوام کو ملے گا جب پبلک ٹرانسپورٹ کے کرایوں پر مکمل عمل در آمد کروایا جائے انہوں نے کہا کہ پپلاں سے میانوالی چلنے والی پبلک ٹرانسپورٹ کے علاوہ سکولوں اور کالجوں میں طالبات کو لانے والی پک اپ گاڑیوں اور چنگ چی رکشاؤں کے مالکان بھی ابھی تک نواحی علاقوں کی غریب طالبات سے پرانے ریٹوں کے مطابق کرایہ وصول کرنے میں مصروف ہیں جبکہ ڈیزل اور پیٹرول کی قیمت میں تقریبا35 روپئے سے زیادہ فی لیٹر کمی واقع ہو چکی ہے لیکن ایسے گاڑی اور رکشا مالکان کو کرایہ کم کرنے کا پابندنہیں بنایا گیا انہوں نے کمشنر سرگودھا ڈویژن اور ڈی سی او میانوالی سے مطالبہ کیا کہ پپلاں میں چلنے والی تمام پبلک ٹرانسپورٹ بسوں پک اپ مالکان اور چنگ چی رکشاؤں کے مالکان کے خلاف فوری ایکشن لیا جائے اور انہیں کم ہونے والے کرایوں پر عمل در آمد کا پابند بنایا جائے تاکہ عوام کو ریلیف مل سکے۔ انہوں نے کہا کہ قیمتوں میں واضح کمی کے بعد پیٹرول کا مصنوعی بحران پیدا کر کے مسلم لیگ ن کے خلاف ایک سازش کی جا رہی تاکہ حکومت کو بد نام کیا جا سکے لیکن پیٹرولیم مصنوعات کی قیمتوں میں کمی سے عوام کو بھر پور ریلیف ملے گا اور عوام کا حکومت پر اعتماد مزید بڑھے گا انشاء اللہ مسلم لیگ ن کی حکومت اپنے دور حکومت میں عوام کی زندگی سے لوڈ شیڈنگ بد امنی دہشت گردی اور مہنگائی کو ختم کر کے دم لے گی اور عوام سے کیئے گئے وعدوں کی تکمیل ہو گی۔
