پپلاں( محمد رضوان آکاش) پپلاں ہرنولی روڈ پر واقع گرڈ اسٹیشن پپلاں کے سامنے کار اور کوچ میں تصادم کے نتیجے میں چار افراد شدید زخمی ہو کر اسپتال پہنچ گئے گاڑیوں کو شدید نقصان، گرڈ مارکیٹ پپلاں میں واقع آریان الیکٹرونکس کی دکان کو گزشتہ روز شام کو بند کرنے کے بعد محمد اسد ولد محمد قاسم، مظہر حسین ولد دوست محمد سجاد اور محمد ضیاء الدین پسران ساکنان خانقاہ سراجیہ اپنی کار سوزوکی ایف ایکس رجسٹریشن نمبرM-5348,Karachi میں سوار ہو کر اپنے گھر واپس جا رہے تھے کہ پپلاں گرڈ اسٹیشن کے سامنے سے آنے والے ایک تیز رفتار موٹر سائیکل سوار کو بچاتے ہوئے ہرنولی موڑ سے پپلاں کی طرف آتی ہوئی مسافر کوچ نمبرMIA_2743 کے ساتھ سے ٹکرا کر روڈ کے نیچے جھاڑیوں میں اُلٹ گئی مسافر کوچ کے ڈرائیور نے گاڑی روکنے کی ہر ممکن کوشش کی لیکن سوزوکی کار اور کوچ کا فاصلہ کم ہونے کی وجہ سے دونوں گاڑیاں آمنے سامنے سے ٹکرا گئی دونوں گاڑیوں کے ٹکرانے سے زور دار دھماکے کی آواز سن کر گرڈ مارکیٹ کے قریبی دکانداروں مظہر اقبال محمد سجاد مستری ذوالفقار محمد اعجاز ڈینٹر حاجی مطیع اللہ سمیت درجنوں دکاندار دوڑ کر حادثہ کی جگہ پہنچے اور سوزوکی کار میں سوار شدید زخمی چاروں افراد کو کار سے باہر نکال کر تحصیل ہیڈ کوارٹر اسپتال پہنچایا جبکہ حادثہ میں کار کے پرخچے اڑ گئے جبکہ مسافر کوچ کی ونڈ سکرین بھی ٹوٹ گئی لیکن اس میں مسافر کم ہونے سے نقصان کم ہوا اور اسکے ڈرائیور کو معمولی چوٹیں لگیں۔ کار میں سوار چاروں افراد کوسر ٹانگوں اور بدن کے دوسرے حصوں پر شدید زخم لگے جبکہ ایک شخص کی ٹانگ کی ہڈی ٹوٹ گئی جنہیں ابتدائی طبی امداد کے بعد ڈسٹرکٹ ہیڈ کوارٹر اسپتال میانوالی میں ریفر کر دیا گیا تاہم حادثہ میں کوئی جانی نقصان نہیں ہوا اور اسپتال کے ڈاکٹروں نے حادثے میں شدید زخمی ہونے والے چاروں افراد کی حالت کوخطرے سے باہر بتایا ہے ۔

QR Code: