پپلاں(محمد رضوان آکاش)تحصیل پپلاں کے شہروں پپلاں کندیاں سمیت دیگر علاقوں میں ٹیلی نار موبائل کمپنی کی سروس گذشتہ دو روز معطل رہی جسکی وجہ سے موبائل صارفین کو مواصلاتی رابطے میں شدید مشکلات کا سامنا رہا بتایا گیا ہے کہ اس کمپنی کے موبائل ٹاورز پر تعینات سیکیورٹی گارڈزکا تنخواہوں کی ادائیگی کے سلسلہ میں کمپنی حکام سے تنازعہ چلا آرہا تھا جسکے تناظر میں سیکورٹی گارڈز نے احتجاجاً پاور سپلائی معطل کر کے سروس کو جام کر دیا تھا صارفین نے اس صورتحال پر شدید احتجاج کرتے ہوئے کمپنی کے حکام بالا اور چیئرمین پی ٹی اے سے نوٹس لینے کا مطالبہ کیا ہے۔