پپلاں (محمد رضوان آکاش) پیٹرولیم مصنوعات کی قیمتوں میں مسلسل کمی کے باجود پولٹری فیڈز کی قیمتوں میں کمی نہ ہونے پر پولٹری ایسوسی ایشن کے صدر محمد نذیر بلوچ کی صدارت میں ماہانہ اجلاس کا ا نعقاد حافظ والہ تحصیل پپلاں میں ہوا جس میں ضلع میانوالی بھکر اور خوشاب میں پولٹری سے وابسطہ کاروباری طبقہ کی اہم شخصیات نے شرکت کی اجلاس میں ضیاء سلیم، سیکریٹری میانوالی پولٹری ایسوسی ایشن کلیم احمد، ملک مسعود اظہر قائد آباد ملک مسعود سنگا خوشاب حاجی محمد یونس خان میانوالی عطاء اللہ خان تری خیل حاجی امین واں بھچراں اور ڈاکٹر عبدالخالق ہرنولی کے علاوہ پولڑی فارم سے واسطہ درجنوں شخصیات کے علاوہ اس کاروبار میں شامل لوگوں کی کثیر تعداد نے شرکت کی اس موقع پر ایک متفقہ قرار داد پاس کی گئی جس میں کہا گیا کہ پیٹرولیم مصنوعات کی قیمتوں میں30% سے زائد کمی ہونے کی وجہ سے تمام اجناس اور پیٹرول ڈیزل سمیت پبلک ٹرانسپورٹ کے کرایوں میں واضح کمی ہو گئی ہے لیکن پولٹری فیڈز کی قیمتوں میں تا حال کوئی کمی نہیں کی گئی مقررین نے اپنے خطاب میں کہا کہ پولٹری کی خوراک میں کمی نہ ہونے سے عوام کو سستے داموں چکن کی فراہمی ممکن نہیں ہو سکتی فیڈ مل مالکان نے اپنی اجارہ داری قائم کی ہوئی ہے جو حکومت کی طرف سے عوام کو ریلیف فراہم کرنے کی پالیسی کے خلاف ہے اور چند مل مالکان اپنی اجارہ داری قائم کر کے حکومت کی پالیسیوں کو ناکام کرنے کی سازش کر رہے ہیں انہوں نے پاس کردہ قرار داد کے ذریعے وزیر اعظم پاکستان میاں محمد نواز شریف اور وزیر اعلی پنجاب میں محمد شہباز شریف سے مطالبہ کیا کہ وہ فوری طور پر اسکا نوٹس لیں اور پولٹری کے کاروبار سے وابسطہ لوگوں کو اس عذاب سے نجات دلائیں اور کم از کم فی بیگ پولٹری فیڈ کی قیمت میں پچاس روپئے کمی کریں اور پولٹری فارمر کو دیوالیہ ہونے سے بچائیں تاکہ عوام کو سستا گوشت فراہم کیا جا سکے۔
