پپلاں(محمد رضوان آکاش) زمینوں پر ناجائز قبضہ مس کنڈکٹ اور غیر تسلی بخش کارکردگی کی وجہ سے کمشنر سرگودھا ڈویژن کے حکم پر ڈی سی او میانوالی نے محکمہ مال ہرنولی سرکل کے گرداور پرویز احمد بلوچ کو معطل کر کے پیڈ ایکٹ2006 کی سیکشن ۳ کے تحت اسسٹنٹ کمشنر پپلاں احمد حسن رانجھا کو انکوائری آفیسر مقرر کر کے مزید محکمانہ کاروائی کے لیئے سات دن میں رپورٹ طلب کر لی۔ ڈی سی او میانوالی محمد خان رانجھا کی طرف سے جاری کردہ لیٹر نمبری
NO 49/DC/NTO/BC
مورخہ 24-01-2015 کے تحت پیڈا ایکٹ 2006کی سیکشن ۵،۹ کے تحت ایکشن لینے کی غرض سے قائم ا نکوائری کمیٹی میں محمد مشتاق نائب صدر قانونگو این ٹی او برانچ میانوالی کو بھی محکمانہ طور پر انکوائری کمیٹی کا ممبر مقرر کر کے معطل شدہ گرداور محکمہ مال تحصیل پپلاں پرویز احمد بلوچ کو ہدایت کی گئی ہے کہ وہ اپنے دفاع میں تحریری بیان تین دن کے اندر انکوائری آفیسر کو جمع کرائے ۔ مذکورہ گرداور پرویز احمد بلوچ پر زمینوں پر ناجائز قبضہ کی وجہ سے تھانہ پپلاں میں زیر دفعات447/511,379/334
PPC
اور148/ 149, کے تحت درج ہونے والہ مقدمہ نمبر271/14، مس کنڈکٹ اور غیر تسلی بخش کاکردگی رپورٹ پر انہیں ملازمت سے معطل کیا گیاجسکے احکامات کمشنر سرگودھا ڈویژن نے جاری کیئے اور ڈی سی او میانوالی محمد خان رانجھا کی طرف سے ان پر عمل درآمد کے لیئے مذکورہ بالا لیٹر جاری ہوا اور ان احکامات میں انہیں معطل کیا ان احکامات پر شکایت کندہ جال شمالی تحصیل پپلاں کے رہائشی امیر محمد بلوچ اور دیگر نے صحافیوں کو بتایا کہ چند ماہ قبل انہوں نے وزیر اعلی پنجاب چیف سیکریٹری پنجا ب ڈی جی انٹی کرپشن کمشنر سرگودھا دویژن اور دیگر اعلی حکام کو تحریری شکایات بھیجی تھیں کہ مذکورہ گرداور نے اپنے عہدے اور اختیارات کا نا جائز استعمال کر کے اُنکے ذاتی لاکھوں روپئے مالیت کے قیمتی رقبہ پر ناجائز قبضہ جما رکھا تھا جبکہ وہ اس کھاتہ میں مالک اراضی بھی نہیں تھا اور اراضی کے مالکان نے تقسیم کا دعوی کر کے اس کا فیصلہ کروایا اور محکمہ مال نے فیصلہ کے بعد موقع پر جاکر انہیں رقبہ کا با ضابطہ قبضہ بھی دلوایا لیکن مذ کورہ گرداور نے دوبارہ اپنے مسلح ساتھیوں کے ہمراہ جا کر اس پر قبضہ کر لیا جس پر اس کے خلاف عدالتی حکم کے تحت تھانہ پپلاں میں مقدمہ بھی درج ہوا تھا اور شکایت کندگان کی درخواستوں پر ہونے والی محکمانہ کاروائی میں محکمہ مال کے تحصیلدار کی رپورٹ پر کمشنر سرگودھا ڈویژن کیپٹن (ر) ملک محمد آصٖف نے ڈی سی او میانوالی کو مذکرہ گرداور کو معطل کر کے اسکے خلاف پیڈا ایکٹ2066 کے تحت محکمانہ کاروائی کا حکم دیا ہے۔
