پپلاں(محمد رضوان آکاش) اسسٹنٹ کمشنر پپلاں احمد حسن رانجھا کی ہدایت پر پرائس کنٹرول مجسٹریٹ تحصیل دار پپلاں ملک منظور کی پپلاں بازار میں گرانفروشوں کے خلاف کاروائی اور جرمانے۔ تحصیلدار پپلاں ملک محمد منظور نے بازار کا دورہ کیا اور اشیاء خورونوش گوشت اور سبزی کی دکانوں پر ریٹ چیک کیئے ریٹ لسٹ آویزاں نہ کرنے اور مقررہ قیمتوں سے زائد قیمتیں وصول کرنے پر مرغی فروش محمد شان محمد آصف اور تصور حسین کو فی کس ایک ایک ہزار روپئے جرمانہ، میاں کریانہ سٹور کو دو ہزار روپئے، خادم خان پٹھان کو ایک ہزار روپئے سر پرست اعلی انجمن تاجراں ملک محمد ریاض آرائیں کریانہ سٹور کو پانچ سو روپئے ذوالفقار سبزی فروش کو پانچ سو روپئے جبکہ ارسلان سبزی فروش کو تین سو روپئے جرمانہ کیا۔ سپیشل پرائس کنٹرول کی طرف سے جرمانہ ہونے کے با وجود بھی مرغی فروش تصور حسین نے مقرر کردہ ریٹ175روپئے فی کلو کی بجائے 240 روپئے فی کلو گرام گوشت کی فروخت جاری رکھی جس پر صدر انجمن تاجراں پپلاں رانا محمد علیم صدر انجمن قصاباں شیخ محمد جمیل سابق جنرل سیکریٹری رانا محمد سرور نے مہنگا گوشت خریدنے والے ایک شہری کے ہمراہ جا کر اے سی پپلاں احمد حسن رانجھا سے دفتر میں ملاقات کی اور مذکورہ دکاندار کے خلاف مہنگا گوشت فروخت کرنے پر کاروائی کا مطالبہ کیا اس موقع پر اے سی پپلاں نے منتخب صدر انجمن تاجراں ران اعلیم اور دیگر کو یقین دلاتے ہوئے کہا کہ یہ اچھی بات ہے کہ آپ اب شہریوں کے حقوق کی خاطر قانون توڑ کر مہنگائی کرنے والے دکانداروں کے خلاف خود کاروائی کا مطالبہ کر رہے ہیں انہوں نے مرغی فروش کو اپنے دفتر بلا کر اسے سختی سے جھاڑا اور جرمانہ کے باوجود اورر چارجنگ کرنے پر سختی سے وارننگ دیتے ہوئے کہا کہ اگر مجھے دوبارہ شکایت ملی تو پرچہ درج کر کے جیل بھیج دونگا اس موقع پر صحافیوں سے گفتگو کرتے ہوئے اے سی پپلاں احمد حسن رانجھا نے کہا کہ مہنگائی اور گرانی کرنے والوں کے خلاف سختی سے نمٹا جائے گا اور کسی کو کوئی رو رعایت نہیں دی جائے گی۔
