پپلاں(محمد رضوان آکاش) پاکستان پیپلز پارٹی تحصیل پپلاں کے صدر غلام محمد مانک نے گذشتہ روزکندیاں ، چشمہ، کچہ گجرات، اور مختلف چکوک کا تنظیمی دوہ کیا اپنے دورہ کے دوران انہوں نے علاقہ کی سرکردہ شخصیات سے ملاقاتیں کیں اور پاکستان پیپلز پارٹی کی یونین سطح پر تنظیم سازی کی اور نئے عہدیداروں کا چناؤ عمل میں لایا گیا ملک غلام محمد مانک نے اس موقع پر کارکنوں سے خطاب کرتے ہوئے کہا کہ موجودہی حکومت عوام کو ریلیف دینے میں مکمل طور پر ناکام ہوچکی ہے عوام بجلی گیس اور پٹرول کے بحرانوں میں مبتلا جبکہ ملک میں غربت میں روز بروز اضافہ ہوتا جارہا ہے انہوں نیکہا کہ ان تمام مسائل اور بحرانوں کا حل پاکستان پیپلز پارٹی ہے پیپلز پارٹی واحد عوامی جماعت ہے جس نے عوام کو بنیادی سہولتوں کی فراہمی اپنے ہر دور میں ممکن بنائی اس موقع پر ملک عطاء اللہ، عبدالغنی، رانا بشیر، چوہدری ارشد،ملک رستم ، آفتاب ربانی، نے پیپلز پارٹی کی پالیسیوں پر اعتماد کا اظہار کرتے ہوئے انہیں اپنے ہر ممکن تعاون کا یقین دلایا۔
