پپلاں (نامہ نگار) انچارج پاسپورٹ آفس میانوالی ملک محمد نسیم اور انکے عملہ کا پاسپورٹ کے حصول کے لیئے آنے والے شہریوں سے حس سلوک مثالی ہے اور کسی بھی شخص کو پاسپورٹ کے حصول میں کوئی دشواری پیش نہیں آ رہی بلکہ پورا عملہ ہماری بھر پور رہنمائی کر رہا ہے اور ہم انچارج پاسپورٹ آفس میانوالی ملک محمد نسیم اور انکے عملہ کو مثالی تعاون پر خراج تحسین پیش کرتے ہیں ان خیالات کا اظہار پاسپورٹ آفس کے حصول کے لیئے دفتر میں آنے والے شہریوں ملک غلام قاسم ملک محمد ذوالفقار محمد جنید اقبال ملک محمد امیر، رفیع اللہ محمد عارف محمد مسکین شاہ شیر علی خان دلاور عباس شاہ محمد بلال اور دیگر درجنوں افراد نے دفتر کا دورہ کرنے والی میڈیا ٹیم کو اپنے تاثرات دیتے ہوئے صحافیوں سے دوران گفتگو کیا۔ اس موقع پر انچارج پاسپورٹ آفس میانوالی ملک محمد نسیم نے صحافیوں سے گفتگو کرتے ہوئے کہا کہ میں نے اپنے پورے سٹاف کو اس بات کا پابند بنایا ہے کہ کسی شہری کو کوئی تکلیف نہ ہو اور تمام کام میرٹ پر کیا جائے انہوں نے کہا کہ کسی بھی ٹاؤٹ کودفتر میں داخل ہونے کی اجازت نہیں اور تمام کام انتہائی شفاف انداز میں سر انجام دیا جا رہا ہے انہوں نے مزید کہا کہ میانوالی میں پاسپورٹ آفس کے قیام سے نہ صرف ضلع میانوالی بلکہ دیگر اضلاع کے لوگوں کو بھی کافی سہولت میسر ہے اور یہاں آنے کے لیئے کسی سفارش کی کوئی ضرورت نہیں صحافیوں نے ملک محمد نسیم کے حسن اخلاق اور پاسپورٹ کے حصول کی خاطر آنے والے شہریوں کے اظہار اطمینان پر انکی کارکردگی کو سراہتے ہوئے شہریوں کے تاثرات سے انہیں آگاہ کرتے ہوئے اچھا کام کرنے پر انہیں مبارکباد پیش کی اور کہا کہ میڈیا عوام کی رہنمائی کے لیئے آپکا مکمل ساتھ دے گا۔
