پپلاں (نامہ نگار) دہشت گردی کے خاتمہ کے لیئے پپلاں کی مقامی پولیس تحفظ پاکستان آرڈینینس کی آڑ میں علاقہ بھر کی مساجدوں سے آذان کے لیئے لگائے جانے والے سپیکر اتارنے اور غریب موذنوں کو گرفتار کر کے انکے خلاف پرچے درج کر کے انتشار پیدا کرنے کی کوشش کر رہی ہے اس لیئے ڈی پی او میانوالی اور ضلعی انتظامیہ کو فوری طور پر اسکا نوٹس لینا چاہیئے جماعت اہل سنت تحصیل پپلاں و دیگر دینی جماعتوں نے پپلاں پولیس کی طرف سے بغیر کاکسی اطلاع یا نوٹس کے کئی مساجد میں تین تین ہزار روپئے کی تنخواہ پر آذان دینے کے لیئے رکھے گئے موذنوں کے خلاف بلا وجہ پرچے درج کر کے انکی گرفتاریاں کر لیں ہیں جسکی وجہ سے شہریوں میں حکومت کے خلاف مزید نفرت بڑھ رہی ہے اور یہ امن و مان میں خرابے اور بد امنی کا باعث بنے گی اگر حکومت نے ایسی پالسیی بنائی ہے کہ مساجد سے تما لاؤڈ سپیکر اتار لیئے جائیں تو چھوٹے چھوٹے دیہاتوں میں منادی کر کے لوگوں کو اس بارے آگا ہ کیا جائے اہل سنت اور سنی تحریک نے مطالبہ کیا کہ ایسے غریب لوگوں کے خلاف درج مقدمات فوری طور پر ختم کئے جائیں اور تین تین ہزار کی تنخواہیں لینے والے موذن کی بجائے مساجد کے صدور اور انکی انتظامیہ کے خلاف پرچے درج کیئے جائیں کیونکہ مساجد کے تمام تنظیمی امور سر انجام دینا انکی ذمہ داری ہوتی ہے کسی موذن کی نہیں انہوں نے ڈی پی او میانوالی اور ڈی سی او میانوالی سے مطالبہ کیا کہ فوری طور پر اس ظلم کا نوٹس لیا جائے۔
