پپلاں( محمد رضوان آکاش) ایم ایم روڈ ہرنولی موڑ کے قریب موٹر سائیکل حادثہ میں جاں بحق ہونے والے بیس سالہ نوجوان غریب مزدور محمد عمران جٹ کے والد کوالمعیض2 شوگر ملز ہرنولی کی انتظامیہ نے واجبات ادا کرنے کے لیئے در بدر کر دیا مرحوم کے والد کی وزیر اعلی پنجاب ڈی سی او میانوالی اور اسسٹنٹ کمشنر پپلاں سے نوٹس لینے کے اپیل، چک نمبر3/4 ایم ایل تحصیل پپلاں کے رہائشی غریب محنت کش محمد نذیر جٹ نے روتے ہوئے صحافیوں کا بتایا کہ میرا20سالہ بیٹا محمد عمران المعیض2 شوگر ملز ہرنولی میں ملازم تھا اور اسکی انشورنس بھی ہوئی تھی جو مورخہ26 نومبر کو شوگر ملز حمید کوٹ ہرنولی میں ڈیوٹی پر جاتے ہوئے موٹرسائیکل حادثہ میں جاں بحق ہو گیا تھا لیکن ابھی تک ملز کی انتظامیہ نے اُن کو اپنے مرحوم بیٹے محمد عمران کے مزدوری کے واجبات اور انشورنس کی ادائیگی نہیں کی اور مسلسل چکر لگوا رہے ہیں انہوں نے کہا کہ میں انتہائی غریب آ دمی ہوں اور میرا اللہ کے سوا کوئی آسرا نہیں میرا جوان بیٹا ہی ہمارے بڑھاپے کا سہارا تھا جو اب اس دنیا میں نہیں رہا اور میں اپنے بیٹے کے واجبات کے حصول کے لیئے کئی ماہ سے در بد ر ہو رہا ہوں لیکن شوگر ملز کی ظالم انتظامیہ نے مجھے در بد ر کی ٹھوکریں کھانے پر مجبور کر رکھا ہے اور جب بھی میں اپنے بیٹے کے بقایا واجبات لیئے وہاں جاتا ہوں تو مجھے ٹال مٹول کر کے ٹرخا دیتے ہیں محمد نذیر جٹ نے وزیر اعلی پنجاب میاں محمدشہباز شریف ڈی سی او میانوالی محمد خان رانجھا اور اسسٹنٹ کمشنر پپلاں احمد حسن رانجھا سے اپیل کی کہ وہ انکے بیٹے کے واجبات المعیض2 شوگر ملز ہرنولی سے دلوانے کے لیئے انکی مدد کریں اور ملز انتظامیہ کے خلاف ایکشن لیکر انہیں انصاف فراہم کریں۔
