پپلاں(محمد رضوان) واپڈا فیسکو لیاقت آباد کا راشی لائن مین رانا عبدالجبار پپلاں کے محلہ مصطفی آباد کے غریب محنت کش محمد امیر آرائیں کا بجلی میٹر لگانے کے لیئے 6ہزار روپئے کی رقم لیکر ڈکار گیا غریب محنت کش گزشتہ دو سال سے بجلی میٹر کی تنصیب کے لیئے دھکے کھانے پر مجبور تنگ آ کر مذکورہ واپڈلائن مین کے خلاف وفاقی وزیر پانی و بجلی وزیر مملکت پانی و بجلی ڈی جی انٹی کرپشن اور فیسکو کے اعلی حکام کو درخواست دے دی محلہ مصطفی آباد کے رہائشی غریب محنت محمد امیر آرائیں نے اعلی حکام کو دی گئی درخواست میں فیسکو لیاقت آباد پپلاں کے ملازم لائن مین رانا عبدالجبار پر الزام لگایا کہ انہوں نے دو سال قبل اپنے گھر میں بجلی کا میٹر لگانے کے لیئے مذکورہ لائن مین کو بجلی کنکشن کی فائل دی اور ساتھ ہی اس نے مجھ سے ساڑھے چھ ہزار روپئے بھی لے لئے اور کہا کہ جلد آپکا میٹر بجلی لگ جائے گا لیکن دو سال سے مجھے وہ لارے لپے لگاتا رہا اور کچھ عرصہ قبل مجھے پانچ سو روپئے واپس کرتے ہوئے کہا کہ آپکا میٹر اگلے ہفتے لگ جائے گا لیکن تا حال میرا میٹر نہیں لگا یا اور جب میں نے گزشتہ روز واپڈا دفتر جا کر معلوم کیا تو پتہ چلا کہ میری فائل ہی دفتر میں موجود نہیں اور مجھ سے لائن مین جھوٹ بولتا رہا اور سادہ لوح سمجھ کر دھوکا دیا اور مجھے دفتری عملہ نے دوبارہ نئی فائل تیار کروا کے جمع کرانے کا کہا گیا جو میں نے جمع کر ادی۔ محمد امیر آرائیں نے وفاقی وزیر پانی و بجلی خواجہ محمد آصف، وزیر مملکت پانی و بجلی چوہدری عابد شیر علی ڈی جی انٹی کرپشن اور فیسکو کے اعلیٰ حکام سے اپیل کی کہ مذکورہ لائن مین کے خلاف رشوت لینے اور دھوکہ دہی کا مقدمہ درج کر کے اسے فوری معطل کیا جائے اور مجھے انصاف فراہم کیا جائے اور محکمہ کو ایسے راشی عملہ سے پاک کیا جائے۔
