پپلاں: ماسٹر نے ریاضی کا فارمولا یاد نہ کرنے پر طالبعلم کو الماریوں کے شیشے مکے اور ڈنڈے مار کر شدید زخمی کر دیا
پپلاں( محمد رضوان آکاش) ڈاکٹراے کیو خان انسٹی ٹیوٹ آف ٹیکنالوجی چاہ میانہ کے ریاضی کے پروفیسر نے ریاضی کا فارمولا یاد نہ کرنے پر طالبعلم پر وحشیانہ تشدد کر ڈالا الماریوں کے شیشے مکے اور ڈنڈے مار کر شدید زخمی کر دیا ڈی سی او میانوالی نے واقعہ کی رپورٹ طلب کر لی جبکہ ڈی پی او میانوالی نے پولیس کو پروفیسر کے خلاف فوری کاروائی کے احکامات جاری کر دیئے تفصیلات کے مطابق کالج ہذا کا سول ٹیکنالوجی سیکنڈ ایئر کا طالبعلم محمد مشرف علی ولد خورشید علی ساکن چک نمبر1ڈی بی گذشتہ روز جب کلاس میں گیا تو ریاضی کے پروفیسر عصمت اللہ شاہ نے فارمولا یاد نہ کرنے پر بری طرح پیٹ ڈالا اور اور دھکے مار مار کر اسے الماری پر گرا ڈالا شیشے ڈیسک لگنے سے طالبعلم شدید زخمی اور لہو لہان ہوگیا واقعہ کی اطلاع فوری طور پر ڈ ی سی او میانوالی کو دی گئی جنہوں نے رپورٹ طلب کر لی جبکہ بچے کے والد خورشید علی کی تحریری درخواست پر ڈی پی او میانوالی نے تھانہ کندیاں پولیس کو پروفیسر کے خلاف قانونی کاروائی کا حکم جاری کر دیا تھانہ کندیاں پولیس نے زخمی طالبعلم کو میڈیکل رپورٹ کیلئے سول ہسپتال کندیاں داخل کروادیا بچے کے ورثاء نے واقعہ پر شدید احتجاج کرتے ہوئے پروفیسر کے خلاف فوری کاروائی کا مطالبہ کیا ہے۔ دوسری طرف کالج کے دائریکڑ محمد صادق نے رابطے پر بتایا کہ سبق یاد نہ کرنے پر سرزنش کے بعدطالبعلم طیش میں آگیا اور اس نے شیشے کی الماری پر مکا مار کر خود کو زخمی کر لیا۔
Leave a Reply