پپلاں(۷۷محمد رضوان آکاش) فرانس میں گستاخانہ خاکوں کی اشاعت کے خلاف احتجاج کے طور پر پپلاں میں مکمل شٹر ڈاؤن ہڑتال ۔ انجمن تاجراں پپلاں کی کال پر پپلاں کے مین بازار، موچی بازار ریل بازار برتن بازار اسپتال روڈ تھانہ مارکیٹ ریلوے مارکیٹ فرووس مارکیٹ ٹی ایم اے مارکیٹ پراچہ مارکیٹ کے علاوہ گرڈ مارکیٹ میں بھی تمام دکانیں اور کاروباری مراکز بندرہے جسکی وجہ سے تمام بازاز سنسان رہے اور کاروباری سرگرمیاں معطل رہیں اس موقع پر سبزی فروٹ اور میڈیکل کی بھی تمام دکانیں بند رہیں تاہ، ریاض میڈیکل سٹور پپلاں معمول کے مطابق کھلا رہا۔ اس موقع پر انجمن تاجراں پپلاں کے عہدیداروں تاجروں اور دکانداروں نے فرانس میں شائع ہونے والے گستاخانہ خاکوں کی ا شاعت کی شدید الفاظ میں مذمت کی اور حکومت پاکستان سے مطالبہ کیا کہ وہ فوری طور پر پاکستان میں فرانسیسی سفارتخانہ کو اس وقت تک بند کروائے جب تک خاکے شائع کرنے والوں کے خلاف سخت ترین ایکشن نہیں لیا جاتا اور انہیں قرار واقعی سزا نہیں دی جاتی انہوں نے کہا کہ یہ اسلام کے خلاف سازش ہے اور کوئی بھی مسلمان اس طرح کی ناپاک جسارت پر خاموش نہیں رہے گا کیونکہ یہ ہمارے ایمان کا تقاضہ ہے۔
