پپلاں (نامہ نگار) پیٹرولیم مصنوعات کی قیمتوں میں متعدد بار مسلسل کمی کے باوجود علووالی، دوآبہ اور پپلاں کے درمیان چلنے والے چنگ چی رکشاؤں کے مالکان اور پپلاں میانوالی تک براستہ علووالی چلنے والی پبلک ٹرنسپورٹ کے مالکان نے عوام کو لوٹنے کا وطیرہ بنا لیا پنجاب حکومت ضلعی انتظامیہ میانوالی اور سیکریٹری ٹرانسپورٹ اتھارٹی میانوالی کرائے کم کرانے میں ناکام علاقہ مکینوں اور شہریوں کا چنگ چی رکشاء اور پبلک ٹرانسپورٹ بسوں اور کوچوں کے مالکان کی لوٹ مار پر شدید احتجاج، حکومت سے فوری نوٹس لینے کا مطالبہ، انجمن رفاہ عامہ علووالی کے صدر حاجی ملک اورنگ زیب اعوان ایڈووکیٹ جنرل سیکریٹری ملک نذیر عمرمانک پی ٹی آئی علووالی کے صدر محمد عمران دھروئی نائب صدر ملک امجد اور سماجی کارکن ملک اعجاز حسین منڈا سمیت دیگر درجنوں افراد نے کہا کہ علووالی کا پپلاں سے فاصلہ دس کلو میٹر ہے لیکن کرایہ ابھی تک 30روپئے وصول کیا جا رہا ہے جبکہ پپلاں سے براستہ علووالی میانوالی چلنے والی پبلک ٹرانسپورٹ بسوں اور کوچوں کے مالکان بھی مقرر شدہ کرایہ سے زائد علووالی سے میانوالی تک70روپئے وصول کرتے ہیں جو اس پورے علاقہ کے عوام کے ساتھ زیادتی ہے انہوں نے کہا کہ ہم نے بارہا ضلعی انتظامیہ اور تحصیل انتظامیہ پپلاں کو اس بارے شکایات کی ہیں لیکن ان پر کوئی ایکشن نہیں لیا گیا انہوں نے مزید کہا کہ چنگ چی رکشاء مالکان بغیر کسی روٹ پرمٹ کے یہاں چل رہے ہیں جنہیں عوام کو دونوں ہاتھوں سے لوٹنے کی کھلی اجازت ملی ہوئی ہے اور حکومت انکے خلاف کوئی ایکشن نہیں لیتی۔ انہوں نے وزیر اعلی پنجاب میاں محمد شہباز شریف اور کمشنر سرگودھا ڈویژن سے اپیل کی کہ اس علاقہ کے غریب شہریوں کو لوٹنے کا فوری نوٹس لیا جائے اور کرایوں کو کم کروایا جائے تاکہ عوام کو ڈیزل پیڑول کی قیمتوں میں واضح کمی کا فائدہ مل سکے۔

QR Code: