پپلاں(محمد رضوان آکاش)گزشتہ روز شکار پور کی امام بارگاہ میں نماز جمعتہ المبارک کے دوران ہونے والی دہشت گردی اور خود کش حملے میں درجنوں معصوم نمازیوں کی شہادت اور زخمی ہونے والے افراد کی مجلس وحدت مسلمین کے عہدیداروں کی شدیدالفاظ میں مذمت آرمی چیف جنرل راحیل شریف سے سندھ میں مارشل لاء لگانے کا مطالبہ، متحدہ مجلس وحدت مسلمین ضلع میانوالی کے جنرل سیکریٹری سید مظفر علی شاہ، ڈپٹی جنرل سیکریٹری ڈاکٹر منیر علی خان سابق جنرل سیکریٹری سید علم دار حسین ایڈووکیٹ، لیگل ایڈوائزر سید امداد حسین شاہ ایڈووکیٹ سیکریٹری سیاست سید علی قاسم سیکریٹری میڈیا سیل سید ضمیر الحسن شاہ سیکریٹری تربیت سید محمدتقی شاہ سیکریٹری شعبہ تعلیم ملک توقیر حسین بھمب اور دیگر نے اپنے مشترکہ بیان میں کہا کہ نماز جمعتہ المبارک کے دوران امام بارگاہ شکار پور میں ہونے والی دہشت گردی قابل مذمت ہے اور ہم اس سانحہ میں شہید اور زخمی ہونے والے نمازیوں کے پس ماندگان اور لواحقین کے ساتھ اس دکھ میں برابر کے شریک ہیں انہوں نے کہا کہ سندھ حکومت معصوم شہریوں کی جان و مال کا تحفظ کرنے میں یکسر ناکام ہو چکی ہے اور اتنا بڑا سانحہ حکومت کی واضح ناکامی کا منہ بولتا ثبوت ہے انہوں نے کہا کہ متحدہ مجلس وحدت مسلمین اس بات کا مطالبہ کر تی ہے کہ آرمی چیف جنرل راحیل شریف سندھ میں مارشل لاء لگا کر دہشت گرودوں کا مکمل خاتمہ کریں کیونکہ یہ آئے روز اس طرح کی کاروایاں کرنے میں مصروف ہیں اور مساجد اور امام بارگاہیں سکول کوئی بھی جگہ دہشت گردوں کے حملوں سے ا ب محفوظ نہیں رہی اور حکومت مکمل طور پر ناکام ہو چکی ہے۔ جمہورت کے نام پر ملک کو دہشت گردوں کے رحم و کرم پر چھوڑ دیا گیا ہے اس لیئے ج تک مارشل لاء لگا کر ہر جگہ آپریشن کلین اپ نہیں کیا جاتا ان وحشی درندوں کا خاتمہ ممکن نہیں ہو گا۔
