پپلاں(محمد رضوان) بچوں کو خسرہ جیسی موذی اور خطرناک بیماری سے بچانے کے لیئے حفاظتی تدابیر و آگاہی اورعوامی شعور بیدار کرنے کے لیئے سکول ہیلتھ اینڈ نیوٹریشن سپروائزرز اور محکمہ صحت میانوالی کے زیر اہتمام آج بروزجمعرات مورخہ22جنوری کو ٹی ایم اے پپلاں ہال میں خصوصی سیمینار کا انعقاد ہو گا جسکی صدارت ای ڈی او ہیلتھ میانوالی ملک محمد خان کریں گے جبکہ اس خصوصی سیمینار کے مہمان خصوصی اسسٹنٹ کمشنر پپلاں احمد حسن رانجھا ہوں گے سیمینار میں ڈسٹرکٹ آفیسر ہیلتھ میانوالی ڈاکٹر محمد رفیق خان پروگرام ڈائریکٹر پی ایچ ڈی سی میانوالی ڈاکٹر مہر خان ڈسٹرکٹ کوآرڈینیٹر ڈاکٹر سجاد حسین کے علاوہ محکمہ ہیلتھ میانوالی کے سٹاف کے علاوہ میڈیا کے نمائندے اور سول سوسائٹی کے افراد بھی شریک ہو نگے ان خیالات کا اظہارفوکل پرسن تحصیل پپلاں محمد ناصر سکول ہیلتھ اینڈ نیوٹریشن سپروائزر اور اسسٹنٹ سپر وائزر ویکسینیشن تحصیل پپلاں ملک محمد بشیر پروانہ نے صحافیوں سے دوران گفتگو کیا انہوں نے کہا کہ اس خصوصی سیمینار کے انعقاد کا مقصد خسرہ سے بچاؤ اور حفاظتی تدابیر بارے مکمل آگاہی اور شعور دینا ہے تاکہ ہم اپنے بچوں کو خسرہ سے بچانے اور حفاظتی ٹیکے لگوانے میں اپنا اپنا کردار ادا کریں انہوں نے کہا کہ خسرہ سے بچاؤ کے لیئے خصوصی مہم کا آغاز مورخہ26جنوری سے کیا جارہا ہے جو9فروری تک جاری رہے گی اور اس مہم کے لیئے ٹیمیں تشکیل دے دی گئی ہیں جو گھر گھر جا کر بچوں کو حفاظتی ٹیکے لگائیں گی۔

QR Code: