پپلاں(محمد رضوان آکاش) ٹیچر ایجوکیٹر ملک فتح محمد نے کہا ہے کہ ڈائریکٹریٹ آف سٹاف ڈویلپمنٹ پنجاب کے تعلیمی اداروں میں جدید تدریسی مہارتیں روشناس کرانے اور بچوں کی بہتر تعلیم وتربیت کیلئے اپنے تمام تر وسائل بروئے کار لارہی ہے لہذا ڈی ایس ڈی کی ہدایات کے مطابق تحصیل بھر کے ڈ ی ٹی ایز اپنے اپنے ماتحت تعلیمی اداروں میں معیار تعلیم کی بہتری و ترقی کیلئے اپنے فرائض منصبی بطریق احسن ادا کریں خصوصاً تعلیمی سرگرمیوں کو مزید تیز کر کے طلبا و طالبات کو امتحانی نکتہ نگاہ سے تیار کریں کمزور سکولوں پر خصوصی توجہ دی جائے تاکہ حکومتی پالیسیوں کے مثبت بتائج برآمد ہوسکیں ان خیالات کا اظہار انہوں نے گورنمنٹ ہائی سکول پپلاں نمبر2میں ڈی ٹی ایز کے مشترکہ اجلاس سے خطاب کرتے ہوئے کیا انہوں نے کہا کہ ڈی ٹی ایز زیادہ سے زیادہ محنت اور لگن سے کام کریں اور سکولوں میں جدید طریقہ ہائے تدریس کے مطابق تعلیمی سرگومیوں کو پروان چڑھائیں اجلاس میں تمام تعلیمی مراکز کے ڈسٹرکٹ ٹیچر ایجوکیٹرز نے شرکت کی۔
