پپلاں( محمد رضوان آکاش) رکن قومی اسمبلی صدر نارتھ پنجاب و ممبر سنٹرل ایگزیکٹو کمیٹی پی ٹی آئی غلام سرور خان کا انفارمیشن سیکریٹری نارتھ پنجاب انجینئر گل اصغر خان بگھور اور بارہ رکنی وفد کے ہمراہ پپلاں کا دورہ وفد میں ریجنل سینئر نائب صدر محمد اقبال خان جنرل سیکریٹری زاہد حسین کاظمی اور دیگر کئی عہدیدار شامل تھے۔ وفد کے ارکان نے پپلاں میں ڈپٹی اپوزیشن لیڈر پنجاب سردار محمد سبطین خان سے انکی رہائش گاہ پر ملاقات کی اور انکے جواں سالہ بھانجھے شہزادہ اسد خان کے کار حادثہ میں انتقال پر گہرے دکھ اور افسوس کا اظہار کرتے ہوئے ان سے تعزیت کی اور مرحوم کے ایصال ثواب کے لیئے فاتحہ خوانی کی۔ موقع پر صدر نارتھ پنجاب و ممبر قومی اسمبلی غلام سرور خان اور وفد کے دیگر ارکان نے ڈپٹی اپوزیشن لیڈر پنجاب سردار محمد سبطین خان سے پارٹی کے تنظیمی امور اور دیگر معاملات پر تفصیلی تبادلہ خیال کیا اس موقع پر صحافیوں سے گفتگو کرتے غلام سرور خان نے کہا کہ دھاندلی کے ذریعے اقتدار میں آنے والی موجودہ حکومت کی اعلیٰ کارکردگی اب عوام کے سامنے آ چکی ہے اورقائد قلت میاں نواز شریف اور حکمرانوں کی کرپشن اور نا اہلی کی وجہ سے پورے ملک سے امن ، روزگار، پیٹرول، گیس اور پانی غائب ہونے کے بعد اب بجلی بھی غائب ہے اور وزیر اعظم میاں نواز شریف کے نادان مشیر اور وزراء اپنی نا اہلی پر پردہ ڈالنے کے لیئے پیٹرول بحران کا تمام ملبہ اوگرا اور پی ایس او کے سرکاری ملازمین پر ڈال کر حکومت کے کرپٹ وزراء کو بچانے میں مصروف ہیں لیکن عوام سب کچھ جانتے ہیں انہوں نے کہا کہ الیکشن مہم میں عوام کو خوشحال اور روشن پاکستان دینے کے خواب دکھانے والے میاں نواز شریف کی وہ تجربہ کار ٹیم کہاں گئی لوگ گیس پیٹرول اور بجلی کے لیئے سڑکوں پر ہیں اور ہر چیز غائب ہے لوگوں کے چولہے ٹھنڈے پڑ گئے ہیں اور ہرزبان پر کرپشن کمیشن اور لوٹ مار کے چرچے ہیں ملک اندھیروں میں ڈوبا ہوا ہے اور عوام موم بتیاں اور مٹی کے دیئے جلا کر گزار کر رہے ہیں اور اربوں روپئے کے فنڈز میٹرو بسوں اور پلوں پر خرچ کیئے جا رہے ہیں کیا اسی روشن پاکستان کا عوام کو خواب دکھایا گیا تھاانہوں نے مزید کہا کہ ابھی یہ بھی خبریں آ رہی ہیں کہ اب آٹے اور چینی کا بحران بھی آنے والے ہے انہوں نے ایک سوال کا جواب دیتے ہوئے کہا کہ الیکشن دھاندلی کی تحقیقات سے حکومت ا ب راہ فرار اختیار کر رہی جبکہ نااہل حکمرانوں کی نہ تو کوئی خارجہ پالیسی ہے نہ وزیر خارجہ ہے بلکہ نام نہاد جمہوریت کے علمبرداروں کی ناکام پالیسیوں کی وجہ سے ہماری خارجہ پالیسی اب کون طے کر رہا ہے یہ سب لوگ جان چکے ہیں آج ہمارے بچے اور اُن کے سکول تک محفوظ نہیں رہے۔ دہشت گردی کی جنگ میں ہماری پاک افواج کی قربانیاں نا قابل فراموش ہیں اور انشاء اللہ دہشت گردی کی جنگ میں اپنی جانوں کا نذرانہ پیش کرنے والے شہداکا خون اب ضرور رنگ لائے گا۔ غلام سرورخان نے مزید کہا کہ الیکشن میں ہونے والی دھاندلی کی شفاف تحقیقات کے لیئے سپریم کورٹ کا ا علی سطحی جوڈیشل کمیشن بنانے سے راہ فرار اختیار کرنے کے لیئے اب حکومت پورا زور لگا رہی ہے لیکن وہ بھول رہی ہے پی ٹی آئی کو کمزور سمجھنے والے وزیر اعظم کے نادان مشیر اور جھوٹ بول کر عوام کو گمراہ کرنے والے وزراء کو حقیقت کا ادراک کر لینا چاہیئے ورنہ پھر دمام دم مست قلندر ضرور ہو گا اور ہم پورا ملک بند کر دینگے۔

QR Code: