پپلاں( محمد رضوان) بچوں کو خسرہ جیسی موذی اور خطرناک بیماری سے بچانے کے لیئے حفاظتی تدابیر و آگاہی اورعوامی شعور بیدار کرنے کے لیئے سکول ہیلتھ اینڈ نیوٹریشن سپروائزرز اور محکمہ صحت میانوالی کے زیر اہتمام ای ڈی او ہیلتھ میانوالی ڈاکٹر ملک محمد خان کی صدارت میں ٹی ایم اے پپلاں ہال میں خصوصی سیمینار کا انعقاد تقریب کے مہمان خصوصی اسسٹنٹ کمشنر پپلاں احمد حسن رانجھا تھے جبکہ سیمینار میں ڈپٹی ڈسٹرکٹ آفیسر ہیلتھ تحصیل پپلاں ڈاکٹر ملک محمد مقبول مبارک چائیلڈ سپیشلسٹ ڈاکٹر محمد زبیر ملک سی ڈی سی او پنجاب انعام اللہ ضیغم، ٹی ایم او پپلاں رانا حامد رضا، انچارج ویکسینیشن عبدالحمید شاکر قائد اہل سنت پروفیسر علامہ ریاض محمود محمد ناصر سکول ہیلتھ اینڈ نیوٹریشن سپروائزر اور اسسٹنٹ سپر وائزر ویکسینیشن تحصیل پپلاں ملک محمد بشیر پروانہ کے علاوہ محکمہ ہیلتھ کے سٹاف لیڈی ہیلتھ ورکرز میڈیا کے نمائندوں انجمن تاجراں پپلاں کے عہدیداروں اور سول سوسائٹی کے افراد سمیت سینکڑوں افراد نے شرکت کی اس موقع پر سیمینار میں حبیب احمد صابر ڈاکٹر ملک محمد مقبول مبارک چائیلڈ سپیشلسٹ ڈاکٹر محمد زبیر ملک سی ڈی سی او پنجاب انعام اللہ ضیغم، انچارج ویکسینیشن عبدالحمید شاکر قائد اہل سنت پروفیسر علامہ ریاض محمود ای ڈی اومیانوالی ڈاکٹر ملک محمد خان اور اسسٹنٹ کمشنر پپلاں نے خسرہ کے متعلق تفصیلی خطاب کرتے ہوئے کہا کہ بچے ہمارے مستقبل کے معمار ہیں اور انکو خسرہ سے بچانے کے لیئے ٹیکے لگوانا انتہائی ضروری ہیں اس موقع پر خسرہ کی علامات اور تدارک بارے آگاہ کر تے ہوئے انہوں نے کہا کہ اس خصوصی سیمینار کے انعقاد کا مقصد خسرہ سے بچاؤ اور حفاظتی تدابیر بارے مکمل آگاہی اور شعور دینا ہے تاکہ ہم اپنے بچوں کو خسرہ سے بچانے اور حفاظتی ٹیکے لگوانے میں اپنا اپنا کردار ادا کریں انہوں نے کہا کہ خسرہ سے بچاؤ کے لیئے خصوصی مہم کا آغاز مورخہ26جنوری سے کیا جارہا ہے جو9فروری تک جاری رہے گی اور اس مہم کے لیئے ٹیمیں تشکیل دے دی گئی ہیں جو گھر گھر جا کر چھ ماہ سے دس سال عمر تک کے بچوں کو حفاظتی ٹیکے لگائیں گی۔سیمینار میں خطاب کے دوران مقررین نے اسسٹنٹ کمشنر پپلاں احمد حسن رانجھا کی دیانت داری اور فرض شناسی کے علاوہ عوامی مسائل کے حل کی خاطر کی جانے والی کاوشوں پر انہیں زبردست الفاظ میں خراج تحسین پیش کرتے ہوئے مزیدکہا کہ تحصیل پپلاں میں کل 3لاکھ تیرہ ہزار کی آبادی ہے جس میں سے چالیس ہزار سے زائد بچے سکولوں کے طالب علم ہیں جبکہ ساٹھ ہزار کے قریب ایسے بچے ہیں جو سکول نہیں جاتے اور انہیں اس مہم کے دوران خسرہ سے بچاؤ کے ٹیکے لگائے جائیں گے پروفیسرعلامہ ریاض محمود نے اپنے خطاب میں کہا کہ ہمارا مذہب اسلام یہ درس دیتا ہے کہ جس نے ایک جان کا قتل کیا گویا اس نے پوری انسانیت کا قتل کیا اور جس سے ایک جان بچائی اس نے پوری انسانیت کو بچایا اس لیئے تحصیل پپلاں کے تمام علمائے کرام جمعتہ المبارک کے خطبہ میں خسرہ مہم کے متعلق لوگوں کو خصوصی طور پر آگاہ کرینگے۔ ڈاکٹر ملک محمد خان نے محکمہ ہیلتھ تحصیل پپلاں کے عملہ کو ایک کامیاب سیمینار کے خطاب پر مبارکباد پیش کی اور شہریوں اور سول سوسائیٹی سے اپیل کی کہ وہ اس مہم کو کامیاب بنائیں اور اپنے اپنے بچوں کو حفاظتی ٹیکے لگوانے میں محکمہ ہیلتھ کی ٹیموں کا ساتھ دیں تقریب کے مہمان خصوصی اسسٹنٹ کمشنر پپلاں ا حمد حسن رانجھا نے محکمہ ہیلتھ کے افسران اور ٹیموں کو مکمل تعاون کا یقین دلاتے ہوئے کہا کہ انتظامیہ اس مہم میں محکمہ ہیلتھ کا بھر پور ساتھ دے گی اور جہاں بھی ہماری ضرورت پڑے ہم انکی مدد کریں گے انہوں نے محکمہ ہیلتھ کو ایک کامیاب اور خوبصورت سیمینار کا انعقاد کرنے پر مبارکباد بھی پیش کی سیمینار کے اختتام پر شرکاء کے اعزاز میں ریفریشمنٹ کا اہتمام بھی کیا گیا۔

QR Code: