پپلاں(محمد رضوان آکاش)ڈپٹی اپوزیشن لیڈر پنجاب سردار محمد سبطین خان نے کہا کہ بجلی اور گیس کی لوڈ شیڈنگ اور مسلسل بندش کے خلاف پاکستان مسلم لیگ ن کے منتخب ارکان اسمبلی کی قیادت میں حکومت مخالف نکالی جانے والی احتجاجی ریلیاں اور گو نواز گو کے نعرے حکمران جماعت کے لیئے لمحہ فکریہ ہیں اور اس سے یہ بات ثابت ہو چکی ہے کہ اب حکومت کا چل چلاؤ قریب ہے اور حکمران جماعت کے ٹکٹ پر منتخب ہونے والے ارکان اسمبلی بھی عوامی غیض و غضب کو بھانپ چکے ہیں اور وہ موجودہ حکومت کی پالیسیوں اور ہٹ دھرمی سے تنگ آ چکے ہیں جو مجبور ہو کر عوام کے ساتھ سڑکوں پر نکل آئے ہیں وہ وہ دن قریب ہے جب ملک بھر میں اسی طرح عوام حکومت کے خلاف سراپاء احتجاج ہونگے معروف سماجی شخصیت ٹھیکیدارحاجی ملک محمد اشرف کے والد کی وفات پر اظہار تعزیت اور فاتحہ خوانی کے بعد صحافیوں سے گفتگو کرتے ہوئے ڈپٹی اپوزیشن لیڈر پنجاب سردار محمد سبطین خان نے کہا کہ حکومتی نا اہلی اور کرپشن کی وجہ سے جس طرح ملک بھر میں بجلی کا بحران پیدا ہو رہا ہے مجھے لگتا ہے کہ میرے حلقہ میں بھی میرے سیاسی حریف اور مسلم لیگی ٹکٹ ہولڈر عنقریب موم بتیاں لیکر عوام کے ساتھ احتجاج کریں گے انہوں نے مزید کہا کہ حکومتی کرپشن اور لوٹ مار کی کہانیاں اب بچے بچے کی زبان پر ہیں او ر اب تو بے نظیر انکم سپورٹ پروگرام کی طرح نچلی سطح تک لوٹ مار کرنے کے لیئے محترمہ مریم نواز سپورٹ کے نام سے سکیمیں شروع ہونے کی خبریں اخبارات میں آ رہی ہیں اور مسلم لیگی بھی اپنی اعلی قیادت کی طرح سادہ لوح خواتین کو لوٹنے میں مصروف ہو گئے ہیں مجھے تو شک ہے کہ میرے حلقہ میں اس سکیم کو بھی میرے مد مخالف اور شکست خوردہ لیگی اُمیدوار فیروز جوئیہ جنہیں کرپشن اور لوٹ مار کی وجہ سے ایزی لوڈ کا خطاب مل چکا ہے وہ خود اس سکیم کی سرپرستی کرنے میں لگے ہوئے ہیں کیونکہ انہوں نے ٹی ایم اے پپلاں کے کروڑوں روپئے کے فنڈز تو ہڑپ کر لیئے ہیں اور جب کچھ نہیں بچا تو اب مریم نوز سپورٹ پروگرام شروع کروا دیا ہے تاکہ کسی نہ کسی طرح مال اکٹھا کیا جا سکے اس لیئے موجودہ حکومت اورخفیہ ایجینسیوں کو اس لوٹ مار اور کرپشن کی مکمل اور شفاف تحقیقات کر کے اصل چہروں کو بے نقاب کرنا چاہیئے انہوں نے کہا کہ میں اس لوٹ مار کی شدید مذمت کرتا ہوں اور جو بھی لوگ اس دھندے میں ملوث ہیں انہیں بے نقاب کیا جائے گا اور ہم اس پر ہرگز خاموش نہیں رہینگے انہوں نے کہا کہ پیٹرول بحران کے بعد اب بجلی کا بحران سر اٹھا چکا ہے اور موجودہ حکومت عوام کو زندہ درگور کرنے میں مصروف ہے یہی وجہ ہے کہ اب حکومتی منتخب ارکان اسمبلی بھی احتجاج پر نکل چکے ہیں اور انہیں معلوم ہو گیا کہ کہ موجودہ حکومت کے پاس عوام کی فلاح و بہبود کا کوئی ایجنڈا نہیں اور سب لوٹ مار میں مصروف ہیں۔

QR Code: