پپلاں(محمد رضوان) محکمہ ہیلتھ میانوالی کی لیڈی ہیلتھ ورکرز تین ماہ سے تنخواہ سے محروم ،گھروں میں فاقوں کی نوبت دوکانداروں نے ادھار سودا دینے سے انکار کردیا ۔ تحصیل پپلاں کی لیڈی ہیلتھ ورکرز کو گذشتہ تین ماہ سے تنخواہ کی ادائیگی نہیں کی گئی جس کی وجہ سے ان کو اپنے گھر چلانے دشوار ہو گے ہیں اور ان کے گھروں میں نوبت فاقوں تک پہنچ چکی ہے ۔لیڈی ہیلتھ ورکرز کے بقول حکومت نے ہمیں مستقل کردیاہے لیکن ہماری تنخواہیں ریگولر نہیں کیں ا ور پہلے کی طرح ہمیں تین تین ماہ کی تنخواہیں نہیں دی جارہیں ۔لیڈی ہیلتھ ورکرز نے وزیر اعظم پاکستان اور وزیر اعلی پنجاب سے فوری نوٹس لینے کا مطالبہ کیا ہے ۔