پپلاں ( محمد رضوان ) جالشمالی میں حافظ محمد اظہار کی رہائشگاہ پر عید میلادالنبی کے سلسلہ میں ایک محفل منعقد ہوئی جس کے مہمان خصوصی حضرت مولانا حافظ محمد صدیق تھے مقررین جن میں حافظ محمد سبطین،حافظ محمد اظہار نے حضور کی شان اور ان کی سیرت کے بارے میں اپنے خیالات کا اظہار کیا اس موقع پر خصوصی طور پر نعت خواں محمد عرفان قادری عطاری کو مدعو کیا گیا جنھوں نے اپنی سریلی آواز میں نظرانہ عقیدت سے محفل کو خوب گرمایا۔محفل میں علاقہ کے لوگوں نے بھرپور شرکت کی حافظ محمد اظہار نے علاقہ کے لوگوں کا شکریہ ادا کیا کہ انھوں نے محفل کو رونق بخشی آخر پر سلام اور بعد میں لنگر تقسیم کیا گیا۔