پپلاں(محمد رضوان آکاش)ایس ایچ او پپلاں انسپکٹر محمد ارشد گوندل نے کہا جرائم پیشہ افراد کے خلاف پپلاں پولیس دن رات مصروف عمل ہے اور رواں ماہ ہم نے بھر پور کاروایاں کی ہیں ا ور چند دن قبل نواحی چک نمبر11.ML سے رات کے اندھیرے میں سات لاکھ مالیت کے چوری ہونے والی فیٹ640 ٹریکٹر کو بازیاب کرانے کے علاوہ رواں ماہ میں اب تک کی کاروایوں میں منشیات فروشوں کے خلاف پانچ مقدمات درج ہو چکے ہیں جبکہ ناجائز اسلحہ کے بھی پانچ مقدمات درج ہوئے ہیں اور منشیات فروشوں سے 4لیٹر دیسی شراب ایک لیٹر ولائیتی شراب30کپی شراب برآمدگی کے علاوہ تین پسٹل ایک رائفل ایک بندوق اور33گولیاں برآمد ہوئی ہیں اور ملزمان کو گرفتار کر کے ان کے خلاف مقدمات درج کیئے ہیں صحافیوں کو تفصیلات بتاتے ہوئے انہوں نے مزید کہا کہ اب تک سنگین وارداتوں کے آٹھ ملزمان اشتہاریوں کو گرفتار کیا ہے جن میں قتل کی وارداتوں میں ملوث کیٹیگری اے کے تین اور ڈکیتی کا ایک ملزم شامہ ہے جبکہ کیٹیگری بے کے چار اشتہاری ملزمان کو بھی گرفتار کیا ہے انہوں نے کہا کہ برآمدہ چوری شدہ ٹریکٹر کے ملزمان کی گرفتاری کے لیئے چھاپے مارے جا رہے ہیں اور انشاء اللہ وہ بھی جلد گرفتار ہو کر سلاخوں کے پیچھے بند ہونگے محمد ارشد گوندل نے کہا کہ عوام کا فرض ہے کہ وہ جرائم پیشہ افراد کی نشان دہی کریں اور پولیس کو شراب جوئے کے اڈے چلانے والے اور دیگر معاشرتی برائیوں میں ملوث افراد بارے معلومات دیں تاکہ ان کے خلاف کاروائی کی جائے انہوں نے کہا کہ ہم اپنے فرائض کی بجا آوری میں دن رات کوشاں ہیں اور کوئی کوہتائی نہیں برتیں گے کیونکہ اپنے تھانہ کی حدود سے جرائم پیشہ افراد کا خاتمہ میرا اولین مشن ہے۔
