پپلاں (نامہ نگار)صوبائی محتسب پنجاب کے فیصلہ کو دو ماہ سے زیادہ عرصہ گزرنے کے با وجود ضلعی انتظامیہ میانوالی پچیس ہزار سے زائد آبادی کے گاؤں دوآبہ کا کئی سال پرانا اور دیرینہ مسئلہ حل کرنے میں ناکام ،معروف کالم نگار صحافی ملک عبدالمجید اور دیگر شہریوں کی طرف سے دوآبہ گاؤں کے مکینوں کو مرکزی قبرستان اور جنازہ گاہ سمیت گاؤں کی مین گزرگاہ کو ریلوے پھاٹک دوآبہ تا پل پپلاں راجباہ تک سڑک کی تعمیر کے لیئے گزشتہ سال صوبائی محتسب پنجاب کو بھیجی گئی شکایت نمبر
POP-MNW-0000044/08/4/aAdv
کی سماعت ایڈوائزر محتسب پنجاب ضلع میانوالی محترمہ شازیہ بشیر نے کی جس میں ڈی سی او میانوالی اورڈسٹرکٹ آفیسر روڈز میانوالی آفس کی طرف سے یقین دہانی کروائی گئی تھی کہ اس عوامی مسئلہ کو حل کر دیا جائے گا اور شکایت کا تحریری فیصلہ صوبائی محتسب پنجاب جاوید محمود نے27نومبر2014کو جاری کیا تھا لیکن تا حال اس پر کوئی عمل در آمد نہ سکا اور معاملہ ضلعی انتظامیہ کی عدم دلچسپی کی وجہ سے سر د مہری اور التوا کا شکار ہے۔ گاؤں دوآبہ کے مکینوں سابق نائب ناظم ملک محمد اقبال بھمب ملک غلام فرید بھمب سابق پرنسپل ملک محمد کرم بھچر سابق ہیڈ ماسٹر ملک بشیر احمد بھچر سابق چئیرمین ملک خان محمد بھچر انجمن تاجراں دوآبہ کے صدر راؤ قمر اشرف سابق چئیرمین عشر و زکواۃ کمیٹی دوآبہ ملک محمد حنیف سنگوال ملک محمد آصف بھمب، سابق کونسلر ملک ظفر اقبال بھمب ملک غلام یسین نمبردار، سابق وائس چئیرمین ملک شیر محمد اڑوڑ، صوبیدار حاجی نذیر احمد حطار، سید شوکت علی شاہ سید انتصار مہدی شاہ، سید مہر علی شاہ سابق کونسلر سید فرمان شاہ، ملک ظہیر احمد بھمب ملک امتیاز حسین بھمب، ملک محمد بشیر پروانہ ملک اعجاز حسین منڈا ملک احمد سعید بھچر، ٹھیکیدار رانا غیاث الدین ، رانا شفیق احمد ٹھیکیدار غلام شبیر درکھان ملک ثناء اللہ اڑوڑ ٹھیکیدار ملک الطاف حسین بھمب حاجی غلام فرید عطاری ملک محمد اسلم منڈا سابق کونسلر ملک امیر عبداللہ سیلو قاری محمد جاوید مظہری قاری محمد اسمعیل فاروقی قاری محمد یونس اور دیگر درجنوں افراد نے اپنے بیان میں ڈی سی او میانوالی اور ضلعی آفیسر روڈز اور ایڈ منسٹریٹر ٹی ایم اے پپلاں سے مطالبہ کیا کہ دوآبہ کی مین گلی کی ریلوے پھاٹک سے نہر پل تک عرصہ دراز سے ٹوٹ پھوٹ سے عوام کو شدید مشکلات درپیش ہیں کیونکہ دوآبہ مین گلی میں سال بھر سیوریج لائن کا گندا اور بد بو دار پانی جمع رہتا ہے اور جامع مسجد محلہ مہاجرین میں جانے والے نمازیوں کے علاوہ مین گزرگاہ سے گزرنے والے شہری اور پرائمری سکول محلہ مہاجرین کی معصوم طالبات اور تدریسی سٹاف کو ازیت ناک صورت حال کا سامنا ہے اس لیئے ڈی سی او میانوالی اورڈسٹرکٹ آفیسر روڈز میانوالی صوبائی محتسب پنجاب جاوید محمود کے فیصلہ پر عمل در آمد کر کے گاؤں کی مین گزرگاہ کی تعمیر کر کے شہریوں کو درپیش مشکلات کا اذالہ کرنے کے لیئے اس دیرینہ مسئلہ کو فوری حل کروایا جائے اور سیوریج لائن کی مرمت کر کے عرصہ دراز سے ٹوٹی پھوٹی سڑک کی فوری تعمیر کی جائے۔
