پپلاں(محمد رضوان آکاش)اسسٹنٹ کمشنر پپلاں احمد حسن رانجھا کا عوامی شکایات پر ٹی ایم اے پپلاں کی ترقیاتی سکیموں میں استعمال ہونے والے ناقص میٹریل کا معائنہ کرنے کے لیئے کندیاں شہر کا دورہ ، اس موقع پر انہوں نے گلی معین خان والی، گلی ملک مطیع اللہ کیت، گلی ساندھانوالی، نیازی سٹریٹ، محلہ کلیارنوالہ،محلہ چاہ امیر خان والا،ہسپتال روڈ اور دیگر علاقوں میں ٹی ایم اے پپلاں کی طرف سے تعمیر شدہ ترقیاتی سکیموں کا معائنہ کیا اور انکے معیار کو چیک کیا دورہ میں انکے ہمراہ ٹی ایم او پپلاں حامد رضا، ایس ڈی او تحصیل آفیسر آئی اینڈ ایس محمد امین مرزا بھی موجود تھے اسسٹنٹ کمشنر احمد حسن رانجھا نے اس موقع پر معززین علاقہ اور صحافیوں سے گفتگو کرتے ہوئے کہا کہ یہ سکیمیں عوام کے ٹیکسوں کے پیسوں سے پائیہ تکمیل تک پہنچائی جاتی ہیں جنہیں ہر صورت میں عوام کیلئے مفید بنایا جائے تاکہ انہیں بہتر سے بہتر بنیادی سہولتیں فراہم کی جاسکیں انہوں نے کہا کہ سکیموں کی تکمیل میں کسی قسم کی غفلت اور کوتاہی کو ہرگز برداشت نہیں کیا جائے گا اس موقع پر انہوں نے ٹی ایم اے پپلاں کے حکام کو ہدایت کی کے شہر میں جاری ترقیاتی سکیمیں بروقت مکمل کی جائیں اس موقع پر صدر انجمن تحفظ حقوق شہریان ملک احسن کلیار، معززین علاقہ ملک مطیع اللہ کیت، نجیب اللہ خان نے انہیں مختلف تجاویز پیش کیں اور شہریوں کے مسائل سے آگاہ کیا جس کے حل کے لیئے اے سی پپلاں احمد حسن رانجھا نے مکمل یقین دہانی کروائی عوامی سماجی حلقوں اور شہریوں نے احمد حسن رانجھا کو عوامی مسائل بارے دلچسی لینے اور میرٹ پالیسی پر زبردست الفاظ میں خراج تحسین پیش کیا۔
