پپلاں (نامہ نگار) اسسٹنٹ کمشنر پپلاں احمد حسن رانجھا کی پپلاں میں تعیناتی کے صرف دو ماہ مکمل ہونے پر دوبارہ راولپنڈی ٹرانسفر، اسسٹنٹ کمشنر پپلاں کا عہدہ ایک مرتبہ پھر خالی، تحصیل بھر کے تجارتی سماجی حلقوں شہریوں اور چھوٹے ملازمین کا اسسٹنٹ کمشنر پپلاں کے تبادلہ پر اظہار افسوس کرپٹ مافیا کی طرف سے اے سی پپلاں کے تبادلہ پر خوشی کا اظہار،گزشتہ روز حکومت پنجاب کی طرف سے اسسٹنٹ کمشنر پپلاں احمد حسن رانجھا کے پپلاں سے راولپنڈی تبادلہ کی خبربارے شہریوں کو معلوم ہوا تو علاقہ کی سیاسی سماجی شخصیات چھوٹے ملازمین اور ماتحت عملہ کی بڑی تعداد اسسٹنٹ کمشنر کے دفتر میں پہنچ گئی اور انہوں نے اسسٹنٹ کمشنر پپلاں سے ملاقات کی اس موقع پر سابق نائب تحصیل ناظم پپلاں سید صفدر شاہ گیلانی سابق ناظم کندیاں حاجی ملک حبیب اللہ کیت صدر انجمن حقوق شہریاں حاجی ملک احسن کلیار صوفی وزیر احمد سابق کونسلر ملک شیر عبا س چھبورا سردار فیصل محمود خان آف حافظ والہ سردار ملک اختر عباس اسڑ ہرنولی ا انجمن پٹواریاں تحصیل پپلاں کے سینئر نائب صدر محمد اسلم خان جنرل سیکریٹری ملک عابد کندی اور دیگر درجنوں افراد نے احمد حسن رانجھا کی عوامی خدمات پر انکو زبردست الفاظ میں خراج تحسین پیش کرتے ہوئے صحافیوں سے گفتگو کرتے ہوئے کہا کہ احمد حسن را نجھا نے پپلاں میں تعیناتی کے انتہائی مختصر عرصہ میں جس طرح عوامی مسائل کے حل کی خاطر شبانہ روز محنت کی اور میرٹ کے اصولوں پر کام کرتے ہوئے کرپشن کے خاتمہ اور دیگر تمام معاملات کو شفاف انداز میں چلا یا اور انکا اپنے ماتحت عملہ سے حسن سلوک بھی انتہائی مثالی تھا اسی وجہ سے عوام اُن کے گرویدہ ہو گئے ہیں اور ہمیں اتنے با صلاحیت دیانت دار اور فرض شناس قابل آفیسر کی پپلاں سے ٹرانسفر پر دلی دکھ ہوا ہے اور پنجاب حکومت کو چاہیئے تھا کہ وہ اس طرح کے اچھے اور قابل آفیسر کو یہاں سے تبدیل نہ کرتی تو زیادہ بہتر تھا کیونکہ یہ عوام کے سات زیادتی ہے اس موقع پر اسسٹنٹ کمشنر پپلاں نے ملاقات کے لیئے آنے والے لوگوں اور ماتحت ملازمین کا شکریہ ادا کرتے ہوئے کہا کہ ٹرانسفر پوسٹنگ روٹین کا معاملہ ہے اور مجھے یہاں کے لوگوں نے جو پیار اور محبت دیا وہ میں کبھی نہیں بھلا سکوں گا میری کوشش رہی کہ ہر کام میرٹ پر ہو اور عوام کے مسائل حل ہوں میں نے اپنی پوری کوشش کی کہ کسی سے زیادتی نہ ہو یہ آپ سب لوگوں کی محبت ہے اور خاص طور پر میں میڈیا کی دلی مشکور ہوں کہ ہر معاملہ پر میری رہنمائی کی اور عوامی مسائل کے حل کی خاطر میر ا بھر پور ساتھ دیا انہوں نے کہا کہ مجھ خود اس بات کا دکھ ہے کہ میں مزید یہاں رہ کر عوام کے مسائل حل کرتا انہوں نے کہا کہ میرے تمام سٹاف نے ہمیشہ میرا پورا ساتھ دیا جس پر میں سب کا دلی مشکور ہوں اور آپ سب لوگوں کا خلوص اور محبت مجھے ہمیشہ یاد رہے گا۔

QR Code: